فرنچائز کی طرف سے ٹی ٹین لیگ میں شرکت نہ کرنے کے لیے دباؤ بڑھنے پر آل راؤنڈر شاہد آفریدی کسی دوسری ٹیم کو جوائن کرنے کا سوچنے پر مجبور ہو گئے۔
ذرائع کے مطابق آفریدی ٹی ٹین لیگ میں آئیکون پلیئر اور پختونز ٹیم کی قیادت کیلیے تیار ہیں، دوسری جانب کراچی کنگز کی خواہش ہے کہ وہ صرف پی ایس ایل میں حصہ لیں، آل راؤنڈر نے اس مطالبے کو مسترد کر دیا۔
امکان یہی ہے کہ وہ کراچی کنگز کے اسکواڈ میں برقرار رہنے کے بجائے ڈرافٹ میں شمولیت کیلیے اپنا نام دے دیں گے، وہاں کیٹیگری کے مطابق کوئی بھی ٹیم انھیں منتخب کر سکے گی۔