آئی سی سی کی ڈسپیوٹ کمیٹی نے بھارت کیخلاف پاکستان کی ہرجانے کی درخواست مسترد کردی ہے۔

آئی سی سی ترجمان کا کہنا ہے دونوں بورڈز کی جانب سے 3 روز تک جاری رہنے والی سماعت میں تحریری اور زبانی دلائل دیے گئے جس کے بعد آئی سی سی کی ڈسپیوٹ کمیٹی نے بھارت کیخلاف پاکستان کی درخواست مسترد کردی ہے۔

ترجمان آئی سی سی کے مطابق اس کیس پر فیصلہ حتمی ہے کوئی فریق اس پر مزید کارروائی نہیں کرسکتا۔ پی سی بی نے ایم او یو کی پاسداری نہ کرنے پر 70 ملین ڈالرز کا ہرجانہ کیا تھا۔ پی سی بی اور بھارتی بورڈ نے یکم سے تین اکتوبر تک کمیٹی کے سامنے دلائل دیے تھے۔

پی سی بی نے اس کیس کی تیاری پر وکلا کو 10 کروڑ سے زیادہ رقم ادا کی ہے لیکن نتیجہ صفر رہا، پی سی بی اور بھارتی بورڈ کے درمیان 6 سیریز کھیلنے کا معاہدہ ہوا تھا جس میں سے 4 کی میزبانی پی سی بی نے کرنی تھی۔ بھارتی بورڈ نے ہر بار حکومت کی طرف سے انکار کو جواز بناکر کھیلنے سے انکار کیا اور یہ موقف آئی سی سی کی مائیکل بیلوف کی سربراہی میں قائم کمیٹی کے سامنے دہرایا۔