English

پاکستان سپر لیگ کے ٹکٹوں کی ری فنڈنگ کا آغاز ہوگیا

دومرحلوں پرمشتمل  ٹکٹوں کی ری فنڈنگ کا پہلا مرحلہ 13 جولائی سے پانچ اگست تک جاری رہے گا

فوٹو: پی سی بی

ایچ بی ایل پاکستان سپر لیگ کے ٹکٹوں کی ری فنڈنگ کا آغاز ہوگیا۔

ایچ بی ایل پاکستان سپر لیگ کے ٹکٹوں کی ری فنڈنگ کا آغاز ہوگیا۔ دومرحلوں پرمشتمل  ٹکٹوں کی ری فنڈنگ کا پہلا مرحلہ 13 جولائی سے پانچ اگست تک جاری رہے گا، جس میں کوویڈ 19 کے سبب بند دروازوں میں کھیلے گئے 5 گروپ میچزاور29 فروری کوراولپنڈی میں بارش کی نذرہونے والے میچ کی ٹکٹیں ری فنڈ کی جارہی ہیں۔

ری فنڈنگ کا دوسرا مرحلہ 6 سے 29 اگست تک شیڈول کیا گیا ہے، جہاں لیگ کے ابتدائی شیڈول میں شامل کوالیفائر، 2 ایلیمنٹر اور فائنل میچ کی ٹکٹیں ری فنڈ کی جائیں گی۔ چھ ہفتوں پرٹکٹوں کی واپسی کا یہ عمل ملک بھرکے 27 مختلف شہروں کے مخصوص ٹی سی ایس مراکزپرپیر سے ہفتہ، صبح 10 سے سہ پہر 4 بجے تک جاری رہے گا۔ ان شہروں میں اسلام آباد، لاہور، کراچی، کوئٹہ، پشاوراورملتان کے علاوہ چکوال، حیدرآباد، وہاڑی، گجرانوالہ، بھکر، ڈیرہ غازی، سکھر، لودھراں اور وہاڑی وغیرہ بھی شامل ہیں۔ٹکٹوں کے پیسوں کی واپسی کے لیے خریدی گئی  اصل ٹکٹ ان مخصوص ٹی سی ایس مراکزمیں جمع کرانا ہے۔

The views expressed by the writer and the reader comments do not necessarily reflect the views and policies of Cricket Pakistan.