آسٹریلیا نے ورلڈ کپ میں شمولیت کے لیے پندرہ رکنی اسکواڈ کا اعلان کر دیا ہے۔ کرکٹ آسٹریلیا کا کہنا ہے کہ حتمی اسکواڈ کی انٹرنیشنل کرکٹ کونسل (آئی سی سی) کو تصدیق 28 ستمبر کو کی جائے گی۔ 
آستریلین اسکواڈ میں کپتان پیٹ کمنز، شین ایبٹ، آشٹن آگر، ایلکس کیری، کیمرون گرین، جوش ہیزل ووڈ، ٹریوس ہیڈ، جوش انگلس، میچل مارش، گلین میکسویل، اسٹیو اسمتھ، میچل اسٹارک، مارکوس اسٹوئنس، ڈیوڈ وارنر اور ایڈم زمپا شامل ہیں۔ 
آسٹریلین کرکٹ ٹیم کے چیف سلیکٹر جارج بیلی کا کہنا ہے کہ پیٹ کمنز، اسٹیو اسمتھ، میچل اسٹارک اور گلین میکسویل کرکٹ میں واپسی کے لیے تیار ہو رہے ہیں۔ 
جارج بیلی کا کہنا ہے کہ تمام کرکٹرز بھارت کے خلاف سیریز میں بھی شامل ہونے کے لیے پُراُمید ہیں، آسٹریلیا کو ورلڈ کپ کے لیے حتمی اسکواڈ کے اعلان سے قبل جنوبی افریقہ اور بھارت کے خلاف 8 ون ڈے میچز کھیلنے ہیں، ٹورنامنٹ سے قبل کمبی نیشن کو بنانے کا موقع ہے جس سے بھرپور فائدہ اٹھانے کی کوشش کریں گے۔