پاکستانی ٹیم کے سابق کپتان سلمان بٹ نے کرکٹ کے کھلاڑیوں سے غیر حقیقی توقعات وابستہ کرنے، خاص طور پر موجودہ کپتان بابر اعظم کا حوالہ دیتے ہوئے اپنے خیالات کا اظہار کیا ہے اور کہا ہے کہ بابر اعظم مائیکل جیکسن کی طرح ڈانس نہیں کر سکتے۔
ایک مقامی نیوز چینل کو دیئے گئے ایک حالیہ انٹرویو میں، بٹ نے کھلاڑیوں کے صرف اسٹرائیک ریٹ جیسے میٹرکس پر فیصلہ کرنے کے تصور پر تنقید کی، جس میں ٹیم کے اندر انفرادی طاقت اور کردار کی اہمیت کو اجاگر کیا گیا۔ ان کا کہنا تھا کہ "اسٹرائیک ریٹ کے بارے میں کون جانتا ہے، کرکٹ برادری میں 90 سے زائد بولرز ہیں جنہوں نے اپنی زندگی میں 15 رنز نہیں بنائے، اور باقی وہ لوگ باتیں بنارہے ہیں جن کا کرکٹ سے کوئی تعلق نہیں ہے۔ اسٹرائیک ریٹ ایک عمل کا نتیجہ ہے اور یہ عمل میرٹ کے مطابق بیٹنگ کرنا ہے جب آپ کھیلتے ہیں تو ایک وقت آتا ہے جب آپ ہر ڈلیوری کا جواب دیتے ہیں اس سے اسٹرائیک ریٹ خود ہی اوپر چلاجاتا ہے۔،،
سابق کپتان نے اکثر کھلاڑیوں اور ان کی متنوع صلاحیتوں کے درمیان ہونے والے موازنے پر بھی اپنے خیالات کا اظہار کیا۔ انہوں نے خاص طور پر بابر اعظم کی جانب سے ان کی منفرد صلاحیتوں اور حدود کے حوالے سے کیے گئے حالیہ تبصروں پر روشنی ڈالتے ہوئے کہا کہ ہر شخص کی اپنی یو ایس پی ہوتی ہے۔ وسیم اکرم، شعیب اختر نہیں تھے اور شعیب اختر وسیم اکرم نہیں تھے۔ آپ عبدالقادر کو ثقلین مشتاق اور ثقلین مشتاق کو عبدالقادر نہیں بنا سکتے۔ یہ تمام لوگ اپنی یو ایس پی کی وجہ سے لیجنڈ تھے۔ میانداد وہ نہیں کر سکے جو سعید انور کر سکتے تھے، اور سعید انور وہ نہیں کر سکے جو جاوید میانداد نے کیا۔‘‘
سلمان بٹ نے لیجنڈری شخصیات مائیکل جیکسن اور نور جہاں سے موازنہ کرتے ہوئے 29 سالہ نوجوان کی صلاحیتوں پر بھی اپنے خیالات کا اظہار کیا۔ ان کا کہنا تھا کہ "11 کھلاڑیوں پر مشتمل ٹیم میں، ہر کھلاڑی کا ایک مخصوص کردار ہوتا ہے، اور بابر بالکل درست ہے جب وہ کہتا ہے کہ نہ وہ صائم بن سکتا ہے اور نہ ہی صائم بابر بن سکتا ہے۔ بابر وہ شخص ہے جو 10 میں سے 9 بار اسکور کرتا ہے۔ اب، اگر آپ چاہتے ہیں کہ بابر مائیکل جیکسن کی طرح ڈانس کرے اور نور جہاں کی طرح گانا گائے تو یہ ممکن نہیں ہے۔‘‘