انگلینڈ کی ویمن ٹیم کی کپتان ہیتھر نائٹ چاہتی ہیں کہ ان کی ٹیم پاکستان کے خلاف آئندہ ون ڈے سیریز میں اپنی کامیابیوں کا سلسلہ برقرار رکھے۔ ٹی 20 سیریز میں 3-0 سے کلین سویپ کے بعد، میزبان ٹیم جمعرات سے ڈربی میں شروع ہونے والے تین ون ڈے میچوں کی سیریز کے لیے تیار ہے۔ اس سے قبل ٹی 20 سیریز میں 3-0 سے انگلش ویمنز نے پاکستانی خواتین کو کلین سویپ کردیا تھا۔
اکتوبر میں ٹی 20 ورلڈ کپ پر توجہ مرکوز کرنے کے باوجود، ہیتھرنائٹ نے ون ڈے کی اہمیت پر زور دیا۔
انہوں نے کہا کہ ہمارا مقصد ایک ٹیم کے طور پر تمام فارمیٹس میں بہتری لانا اور بے رحمی سے سیریز جیتنا ہے، جیسا کہ ہم نے ٹی 20 میں کیا تھا۔
اس سے قبل 2023 میں انگلینڈ کی ویمن ٹیم نے چھ ون ڈے سیریز کھیلیں، جس میں آسٹریلیا اور سری لنکا کے خلاف سیریز جیتیں اور نیوزی لینڈ میں 2-1 کی سیریزنمایاں ہے۔
رواں سال اکتوبر میں 50 اوور کا ورلڈ کپ 2025 میں بھارت میں شیڈول ہے، جنوری میں انگلش ٹیم کے ملٹی فارمیٹ ایشز میں تین ون ڈے میچز ہوں گے۔
ہیڈ کوچ جون لیوس کی قیادت میں، انگلینڈ کا مقصد کھیل کا زیادہ جارحانہ انداز اپنانا ہے۔ ہیتھر نائٹ نے اپنی ٹیم پر زور دیا کہ وہ ون ڈے میں اس انداز کو برقرار رکھے، یہ کہتے ہوئے کہ جیت ہمارا مقصد مثبت ہونا چاہیے، اور ون ڈے میں، ہمارے پاس حالات کو پڑھنے کے لیے زیادہ وقت ہے۔ ہمیں نیوزی لینڈ میں وہ ٹیمپو درست نہیں ملا، اس لیے ہم یہاں اپنا انداز دکھانے کی امید کرتے ہیں۔،،
انگلش ٹیم کی اوپنر ٹیمی بیومونٹ اور تیز گیند باز کیٹ کراس اسکواڈ میں شامل ہیں، جبکہ نیٹ اسکیور برنٹ باؤلنگ کرنے سے قاصر ہیں۔ انگلینڈ نے ٹی ٹوئنٹی میں تین اسپنرز کھلائے اور ہیتھرنائٹ نے ٹیم کے توازن کے چیلنج پر روشنی ڈالتے ہوئے کہا کہ ہم اپنی بیٹنگ کے ساتھ مثبت ہونا چاہتے ہیں اور اس کے لیے ٹیم کا توازن غور کرنے کی چیز ہے۔،،