پاکستانی بلے باز حیدر علی نے کاؤنٹی چیمپیئن شپ میں ڈربی شائر کے لیے غیر معمولی کارکردگی کا مظاہرہ کرتے ہوئے کاؤنٹی کے لیے اپنی پہلی سنچری بنائی ہے۔
انہوں نے یارکشائر کے گیند بازوں کے حملے کو ناکام بنایا اور پانچویں وکٹ کی ناقابل شکست شراکت قائم کی، جس نے 311 گیندوں پر 231 رنز کا ریکارڈ بھی توڑ دیا۔
حیدرعلی کو نچلے نمبرز پر بھیجنے کا ڈربی شائر کا فیصلہ درست ثابت ہوا۔ حیدر علی نے اسپنرز کا مقابلہ کیا، خاص طور پر ڈومینک بیس کو نشانہ بنایا، انہوں نے اپنی زبردست انگگز کے دوران چھکے لگائے اور جارحانہ انداز اپناتے ہوئے ٹیم کو دباؤ سے نکالا۔
حیدرعلی نے اپنی بلے بازی کی مہارت اور عزم کا مظاہرہ کرتے ہوئے شاندار سنچری اسکور کی جبکہ اسکورنگ ریٹ کو بھی برقرار رکھا جس نے انہیں ماہرین کرکٹ کی توجہ کا مرکز بنادیاہے۔