قومی ٹیم کے سابق کپتان محمد حفیظ نے کہا کہ گزشتہ برس کرکٹ کے طویل ترین فارمیٹ کے 8 میچز میں رضوان نے محض 30.84 کی اوسط سے 401 رنز بنائے ہیں اور کوئی وکٹوں کے پیچھے بھی کوئی خاطر خواہ کارکردگی نہیں دکھا سکے، میرے نزدیک بابراعظم کو آئندہ ٹیسٹ میچز میں سرفراز احمد کو موقع دینا چاہیے۔

انہوں نے کہا کہ پاکستان کرکٹ بورڈ (پی سی بی) کے اعلیٰ عہدیداران کو بھی سمجھنے کی ضرورت ہے کہ اگر رضوان ایک فارمیٹ میں پرفارم نہیں کرپارہا ہے تو اس کی جگہ کسی اور کو موقع دیں، سرفراز احمد یا کوئی آپشن موجود ہے تو اسے ضرور استعمال کریں۔

سابق کپتان سرفراز احمد نے نیوزی لینڈ کے خلاف سیریز میں 4 سال بعد قومی ٹیم میں کم بیک کیا اور شاندار کارکردگی کا مظاہرہ کرتے ہوئے 83.75 کی اوسط سے 335 رنز بنائے جس میں ایک سینچری اور 3 نصف سینچریاں شامل تھیں۔

پاکستان سپر لیگ (پی ایس ایل) میں سرفراز احمد کوئٹہ گلیڈی ایٹرز کی کپتانی کریں گے جبکہ بابراعظم پشاور زلمی اور محمد رضوان ملتان سلطانز کی قیادت کے فرائض سرانجام دیتے نظر آئیں گے۔