پاکستان سپر لیگ (پی ایس ایل) کے نویں ایڈیشن کیلئے ٹرافی کی باضابطہ رونمائی کردی گئی۔
لاہور کے ریس کورس گراؤنڈ میں پی ایس ایل کے نویں ایڈیشن کی ٹرافی کی رونمائی کے لیے ایک یادگار تقریب کا اہتمام کیا گیا جس میں تمام ٹیموں کے مالکان سمیت کپتانوں نے بھی شرکت کی۔
پی ایس ایل کے نویں ایڈیشن کا باقاعدہ آغاز 17 فروری سے ہوگا، قذافی اسٹیڈیم افتتاحی تقریب سمیت 9 میچز کی میزبانی کرے گا۔
دوسری جانب سیکیورٹی کے پیش نظر اسٹیڈیم کے داخلی اور خارجی راستے اور نشتر پارک اسپورٹس کمپلیکس میں موجود تمام ریسٹورانٹس بھی بند کردیئے گئے ہیں۔