کراچی کے نیشنل اسٹیڈیم میں پاکستان سپر لیگ سیزن نائن کے پہلے میچ میں ہی شائقین کی عدم دلچسپی سامنے آگئی۔ 
میڈیا رپورٹس کے مطابق بدھ کے روز پی ایس ایل 9 کے کراچی میں ہونے والے پہلے ہی میچ میں اہلیان کراچی کی عدم دلچسپی سامنے آگئی۔ نیشنل اسٹیڈیم میں کراچی کنگز اور اسلام آباد یونائیٹڈ کے درمیان میچ میں خالی اسٹیڈیم منہ چڑاتا رہا۔ 
نیشنل اسٹیڈیم کے تقریباً سبھی اسٹینڈز تماشائیوں سے خالی نظر آئے اور شائقین کی بہت کم تعداد نے میچ دیکھنے کیلئے اسٹیڈیم کا رخ کیا۔  
واضح رہے کہ پی ایس ایل 9 کے پلے آف اور فائنل سمیت 11 میچز کی میزبانی کراچی کے نیشنل اسٹیڈیم کو دی گئی ہے، ایونٹ کے دوسرے مرحلے کے میچز 28 فروری سے 18 مارچ تک کراچی میں شیڈول ہیں۔ جس کا پہلا میچ بدھ کے روز کراچی کنگزاوراسلام آباد یونائیٹڈ کے درمیان کھیلا گیا جس میں اسلام آباد یانائیٹڈ نے 7 وکٹوں سے کامیابی حاصل کی۔