رنگپور رائیڈرز نے بنگلہ دیش پریمیئر لیگ 2024ء کے لیے بابر اعظم کو سائن کرلیا۔ پاکستانی ٹیم کے کپتان بابر اعظم جنوری میں شروع ہونے والی بنگلہ دیش پریمیئر لیگ (بی پی ایل) کے آئندہ 9ویں سیزن کے لیے رنگپور رائیڈرز کے اسکواڈ کا حصہ بن گئے ہیں۔ دنیا کے بہترین بلے بازوں میں شمار ہونے والے پاکستان کے نامور بلے باز نے بی پی ایل کے سابق چیمپئنز کے ساتھ براہ راست معاہدہ کیا ہے۔
یو اے ای کی آئی ایل ٹی 20 کی طرف سے دلکش پیشکش موصول ہونے کے باوجود، بابر اعظم نے بی پی ایل کا انتخاب کرنے کا فیصلہ کیا، جس کی وجہ سے کچھ ابتدائی الجھنیں پیدا ہوئیں کہ وہ بی پی ایل کی کس ٹیم میں شامل ہوں گے۔ تاہم ایشیاء کپ میں بنگلہ دیش اور پاکستان کے میچ کے اختتام کے بعد، اس بات کی تصدیق ہوگئی کہ بابر رنگپوررائیڈرز کی جرسی پہنیں گے۔ دلچسپ بات یہ ہے کہ رنگپوررائیڈرز نے اس اعلان کو کم اہمیت دینے کا انتخاب کیا، جس سے بابر کی ٹیم میں شمولیت کے بارے میں راز داری کا ایک عنصر شامل ہوا۔
رنگپور رائیڈرز کی فیس بک پوسٹ میں لکھا گیا ہے کہ "ہم فتح کی جنگ میں دنیا کے نمبر 1 آل راؤنڈر شکیب الحسن کو سائن کرنے کے بعد ایک اور سرپرائز کے ساتھ حاضر ہیں۔ رنگپور رائیڈرز کے شائقین اندازہ لگائیں کہ کون نیا رائیڈر بننے والا ہے۔؟
"اس پوسٹ میں ایک تصویر بھی تھی، جس میں اشارے شامل تھے جیسے 'اس نے اپنا ون ڈے انٹرنیشنل ڈیبیو 2015ء میں کیا'، 'وہ اپنی پہلی 100 ون ڈے اننگز میں 5000 سے زیادہ رنز بنانے والے پہلے کھلاڑی ہیں، 'وہ اس وقت دنیا کی نمبر ون رینکنگ رکھنے والی ٹیم کے کپتان ہیں۔
' یہ تمام اشارے شائقین کو 'بابر اعظم' کی طرف لے گئے۔ بابر اعظم کے علاوہ رنگپور رائیڈرز نے پاکستان کے تیز گیند باز احسان اللہ اور بنگلہ دیش کے شکیب الحسن کی خدمات بھی حاصل کر کے اپنی لائن اپ مضبوط کر لی ہے۔ انہوں نے نورالحسن سوہن، مہدی حسن، اور حسن محمود جیسے اہم کھلاڑیوں کو بھی برقرار رکھا ہے۔ اس کے ساتھ ساتھ ٹیم نے پہلے ہی غیر ملکی کرکٹرز وینندو ہسرنگا اور نکولس پورن کو سائن کر لیا ہے۔