جیسن رائے پچھلے آٹھ سال سے انگلش ٹیم کا اہم حصہ رہے ہیں لیکن وہ انڈیا میں ہونے والا ورلڈ کپ نہیں کھیلیں گے۔
انگلینڈ نے ہیری بروک کو لینے کے لیے جیسن رائے کو عارضی فہرست سے نکالنے کے بعد کرکٹ ورلڈ کپ کے لیے اپنے 15 رکنی سکواڈ کو حتمی شکل دے دی ہے۔
جیسن رائے گذشتہ آٹھ برسوں سے انگلش ٹیم کے اہم کھلاڑی رہے ہیں، انہوں نے جونی بیئرسٹو کے ساتھ مل کر تاریخ کی مفید ترین اوپننگ پارٹنرشپ قائم کی تھی۔
ابھی چند ماہ قبل، ان کے بغیر انڈیا کا دورہ ایک خیال لگتا تھا لیکن چیزیں تیزی سے بدل گئی ہیں۔ گذشتہ چار سال کے دوران ان کی فارم خراب رہی جو پہلے کے مقابلے میں بہت کم ہے اور جب کمر کی تکلیف کے باعث وہ نیوزی لینڈ کے خلاف حالیہ سیریز سے باہر ہوئے تو اوپنر کی ٹیم میں جگہ کے متعلق سوالات دن بدن بڑھتے چلے گئے۔
اگر جیسن رائے بہترین فارم میں ہوتے تو وہ بلیک کیپس کا سامنا کرتے اور اپنی قسمت کا فیصلہ اپنے ہاتھ میں رکھتے مگر بدقسمتی سے ایسا نہیں ہوسکا۔ دو الگ الگ پھٹوں میں ہونے والا کمر درد، ایک ایسے ایونٹ پر باعث تشوش تھا جو سات ہفتوں تک کھلاڑیوں کی طاقت کا امتحان لے گا۔ لیکن انگلینڈ اس معاملے کے پیچھے نہیں رہا اور سلیکٹرز کو بھی اس بات کا خیال تھا کہ اب جیسن رائے کے متبادل کو ٹیم میں لایا جا سکتا ہے۔
کچھ عرصے سے ان کا ٹیم میں اثر کم ہوتا رہا ہے اور گذشتہ سال ورلڈ کپ سے ٹھیک پہلے انہیں ٹی 20 اسکواڈ سے بھی نکال دیا گیا تھا اور اب تازہ ترین پیش رفت یہ ہے کہ جیسن رائے کی جگہ بروک کو ایک بہتر آپشن کے طور پر انگلش ٹیم میں شامل کیا گیا ہے۔
ماہرین کا کہنا ہے کہ اگر جیسن رائے انگلینڈ کے لیے اپنا آخری میچ کھیل چکے ہیں تو یہ تعجب کی بات نہیں ہوگی کہ ان کے لیے اب انگلش ٹیم میں مزید جگہ نہیں رہی۔
ٹورنامنٹ مکمل ہونے کے بعد ٹیم میں بڑے پیمانے پر تبدیلی متوقع ہے اور چونکہ جیسن رائے پہلے ہی گذشتہ سال ٹی 20 ٹیم میں اپنی جگہ کھو چکے ہیں، لہذا یہ خیال کیا جارہا ہے کہ ان کا انٹرنیشنل کرکٹ کیریئر اختتام کو پہنچ سکتا ہے۔
رواں سال کے شروع میں انہوں نے ای سی بی کے سینٹرل کنٹریکٹ کا بقیہ حصہ منسوخ کرتے ہوئے امریکہ کی میجر لیگ کرکٹ میں حصہ لیا تھا۔
دوسری جانب انگلش ٹیم کے سلیکٹر لیوک رائٹ نے کہا کہ جیسن رائے "کھیل کے بے رحم پہلو" کا شکار ہوئے جب اسے بڑے اور اہم ٹورنامنٹ کے موقع پر انگلینڈ کے ورلڈ کپ اسکواڈ سے نکال دیا گیا۔