شاداب خان نے شاندار میچ وننگ پرفارمنس کا مظاہرہ کرتے ہوئے صوفیہ گارڈنز میں سسیکس کو گلیمورگن کے خلاف 20 رنز سے سنسنی خیز فتح دلائی۔
شاداب نے ایک مشکل مرحلے کے دوران غیر معمولی طور پر اچھا کھیلا جب ان کی ٹیم پاور پلے کے اندر صرف 44 رنز پر چار وکٹیں گنوانے کے بعد آگے بڑھنے کی جدوجہد کر رہی تھی۔
آل راؤنڈر نے گلیمورگن کے خلاف دھواں دار بیٹنگ کرتے ہوئے تریپن گیندوں پر ناقابل شکست ستاسی رنز کی اننگز کھیلی۔
انہوں نے 5 چھکوں اور 5 چوکوں کی مدد سے 164 رنز کا اسٹرائیک ریٹ برقرار رکھا۔
سسیکس کے آل راؤنڈر نے ٹوئٹر پر اپنے خیالات کا اظہار کرتے ہوئے اپنی شاندار کارکردگی پر خوشی کا اظہار کیا جس نے ان کی ٹیم کو شاندار فتح تک پہنچانے میں اہم کردار ادا کیا۔
اپنی ٹویٹ میں انہوں نے ذکر کیا کہ ٹیم کے لیے ایک مشکل پوزیشن میں میچ جیتنے سے بہتر کوئی چیز محسوس نہیں ہوتی۔ اپنے کھیل کے تمام پہلوؤں کو بہتر بنانے کے لیے ہر روز محنت کر رہا ہوں