پاکستانی کرکٹ ٹیم کی مینجمنٹ اور سلیکشن کمیٹی فاسٹ بولر شاہین شاہ آفریدی کی ناقص فارم سے پریشان ہوگئی۔
فاسٹ بولر کی مسلسل کرکٹ کھیلنے کی وجہ سے تھکاوٹ نے پاکستانی کرکٹ ٹیم کی انتظامیہ اور سلیکشن کمیٹی کو نئی مشکل میں ڈال دیا ہے، میلبرن ٹیسٹ میچ سے قبل خرم شہزاد انجری کا شکار ہوکر ٹیسٹ سیریز سے باہر ہوگئے ہیں جس کے بعد شاہین کے پرفارمنس دینے پر مزید بوجھ بڑھ گیا ہے۔
نئے سال کے آغاز پر قومی ٹیم کو آسٹریلیا کے خلاف سڈنی کے تاریخی کرکٹ گراؤنڈ میں مدمقابل آنا ہے تاہم ٹی20 میں قیادت کی ذمہ داریوں کے باعث شاہین کو آرام کروایا جاسکتا ہے۔
شاہین آفریدی نے پرتھ ٹیسٹ کی پہلی اننگز میں 27 اوورز میں 96 رنز اور دوسری اننگز میں 18.2 اوورز میں 76 رنز دیئے تھے تاہم انکے ہاتھ محض دونوں اننگز میں ایک ایک وکٹ آئی تھی۔
دوسری جانب میلبرن ٹیسٹ کا آغاز 26 دسمبر سے ہوگا جبکہ تیسرے ٹیسٹ کیلئے قومی ٹیم سڈنی روانہ ہوگی۔
واضح رہے کہ نیوزی لینڈ میں پہلا ٹی20 انٹرنیشنل 12جنوری کو کھیلا جائے گا۔