گلوبل اسپورٹس زمبابوے کرکٹ اور لاہور قلندرز کے ساتھ مل کر کام کرے گا تاکہ ٹرائلزکے آسانی سے عملدرآمد کو یقینی بنایا جا سکے اور منتخب کھلاڑیوں کو ان کے سفر کے دوران بھرپور تعاون فراہم کیا جا سکے۔

یہ بات قابل ذکر ہے کہ پاکستان سپر لیگ (پی ایس ایل) کی فرنچائز لاہور قلندرز نے ڈربن ٹیم کے فرنچائز حقوق بھی حاصل کر لیے ہیں، جسے ڈربن قلندرز کہا جاتا ہے۔

لاہور قلندرز کے چیف آپریٹنگ آفیسر ثمین رانا نے غیر معمولی کرکٹ ٹیلنٹ کو اجاگر کرنے کے لیے گلوبل اسپورٹس اور زمبابوے کرکٹ کے ساتھ شمولیت پر خوشی کا اظہار کیا ہے۔ اس اہم تعاون میں، زمبابوے کرکٹ زمبابوے کے اندر اپنا پہلا پلیئر ڈویلپمنٹ پروگرام شروع کرے گا، جس کا مقصد ایسے ہونہار کھلاڑیوں کو سامنے لانا ہے جو مستقبل کے کرکٹ اسٹار بننے کی صلاحیت رکھتے ہیں۔ زمبابرے 20 سے 29 جولائی تک ہرارے میں اپنے پہلی فرنچائز کرکٹ ٹورنامنٹ زم افرو ٹی ٹین کی میزبانی کرنے والا ہے۔ یہ افریقہ میں کرکٹ کے منظر نامے کے لیے ایک دلچسپ سنگ میل ہے۔

زم افرو ٹی ٹین میں پانچ ٹیمیں ٹائٹل جیتنے کے لیے میدان میں اتریں گی، جن میں ڈربن قلندرز، کیپ ٹاؤن سیمپ آرمی، بلاوایو بریوز اور جوبرگ لائنز شامل ہیں۔ ٹورنامنٹ کے ڈرافٹ کی تقریب 2 جولائی کو ہرارے میں منعقد ہونے والے ایک عظیم الشان پروگرام میں منعقد ہونے والی ہے، جس سے کرکٹ کے شائقین میں بہت زیادہ توقعات پیدا ہو رہی ہیں۔

دوسری جانب بالی ووڈ اسٹار سنجے دت ہرارے ہریکینز فرنچائز کے شریک مالک کے طور پر ٹورنامنٹ میں شریک ہوں گے۔ بالی ووڈ اور کرکٹ کا آپس میں چولی دامن کا ساتھ ہے، بالی ووڈ کے کئی اسٹارز آئی پی ایل میں فرنچائز کے مالک ہیں۔ 

بالی ووڈ سپر اسٹار سنجے دت نے زم افرو ٹی ٹین میں ٹیم حاصل کرلی ہے۔ مشہور بالی ووڈ اداکار سنجے دت ہرارے ہریکینز فرنچائز کے شریک مالک کے طور پر ٹورنامنٹ میں شریک ہوں گے۔ سنجے دت نے کرکٹ کی ملکیت کی دنیا میں قدم رکھنے کے لیے ایریز گروپ آف کمپنیز کے بانی، چیئرمین اور سی ای او سوہن رائے سے ہاتھ ملایا۔
ترقی کے بعد اپنے جوش و خروش کا اظہار کرتے ہوئے سنجے دت نے کہا کہ ہندوستان میں کرکٹ ایک مذہب کی طرح ہے اور اس کھیل کو دنیا کے کونے کونے تک لے جانا ان کا فرض ہے۔ اپنے بیان میں سوہن رائے نے سنجے دت کے ساتھ کام کرنے پر خوشی کا اظہار کیا ہے۔