محمد رضوان سے خراب تعلقات کی افواہوں پر سرفرازاحمد نے ناقدین کے منہ بند کر دیئے۔
٠١ اگست ٢٠٢٣
قومی ٹیم کے سابق کپتان سرفراز احمد نے وکٹ کیپر بلے باز محمد رضوان کے ساتھ بہترین تعلقات ہونے کا بیان دے کر ناقدین کے منہ بند کر دیئے۔
پاکستانی ٹیم کے وکٹ کیپر بلے باز سرفراز احمد نے اپنے ساتھی کھلاڑی محمد رضوان کے ساتھ مضبوط اوربرادرانہ تعلق کی تصدیق کی ہے۔
سرفراز نے اپنے اور رضوان کے درمیان کسی قسم کی دشمنی یا اختلافات کی افواہوں کو مسترد کرتے ہوئے اس دشمنی کی وجہ سوشل میڈیا صارفین کو قرار دیا جو کھلاڑیوں کی پرفارمنس پر غیر ضروری تبصرے کرنے میں مصروف ہیں۔
سرفرازاحمد نے کہا، "موجودہ پاکستانی ٹیم اچھی طرح سے متحد ہے، تمام کھلاڑی برادرانہ رشتے میں ہیں اور ہمارے درمیان کوئی نفرت نہیں ہے۔
انہوں نے مزید کہا کہ "میرے اور رضوان کے درمیان کوئی نفرت نہیں ہے، یہ نفرت صرف سوشل میڈیا پر لوگوں سے ہے، ان لوگوں کا اپنی زندگی میں کوئی لینا دینا نہیں ہے، اس لیے وہ سوشل میڈیا پر آتے ہیں اور غیر ضروری باتیں لکھنا شروع کر دیتے ہیں۔
بھارتی کرکٹر ویرات کوہلی اور پاکستانی بلے باز بابر اعظم کے درمیان اکثر موازنہ کے جواب میں، سرفراز نے زور دے کر کہا کہ اس طرح کا موازنہ ہونا غیر ضروری ہے۔
.jpg)
