سلور ووڈ کی جانب سے یہ فیصلہ سری لنکا کی ٹی ٹوئنٹی ورلڈ کپ 2024 میں سپر ایٹ مرحلے میں پہنچنے میں ناکامی کے بعد کیا گیا ہے۔
٢٨ جون ٢٠٢٤
آئی سی سی ٹی ٹوئنٹی ورلڈ کپ میں ناقص کارکردگی کے باعث سری لنکا ٹیم کے ہیڈ کوچ کرس سلورووڈ اپنے عہدے سے مستعفی ہوگئے۔ سلور ووڈ کی جانب سے یہ فیصلہ سری لنکا کی ٹی ٹوئنٹی ورلڈ کپ 2024 میں سپر ایٹ مرحلے میں بھی نہ پہنچ سکنے کے بعد کیا گیا ہے۔
تفصیلات کے مطابق آئی سی سی ٹی ٹوئنٹی ورلڈ کپ 2024 میں انتہائی ناقص پرفارمنس کے بعد سری لنکا کرکٹ ٹیم کے ہیڈ کوچ کرس سلورووڈ مستعفی ہو گئے۔ ٰاس حوالے سے سری لنکا کرکٹ بورڈ کا کہنا ہے کہ کرس سلورووڈ نے اپنے عہدے سے استعفیٰ دے دیا ہے، وہ ذاتی وجوہات کے باعث مستعفی ہوئے ہیں۔
دوسری جانب کرس سلورووڈ کا کہنا ہے کہ انٹرنیشنل کوچ ہونے کے ناطے اپنوں سے زیادہ وقت تک دور رہنا پڑتا ہے، فیملی اور قریبی افراد کے ساتھ تفصیلی مشاورت کے بعد مستعفی ہونے کا فیصلہ کیا ہے۔ انہوں نے کہا کہ اب وقت آگیا ہے کہ واپس گھر میں اپنی فیملی کے ساتھ تھوڑا اچھا وقت گزار سکوں۔،،
واضح رہے کہ گزشتہ روز سری لنکا کے بیٹنگ کنسلٹنٹ مہیلا جے وردھنے نے بھی استعفیٰ دے دیا تھا۔
.jpg)
