کولمبو: سری لنکن ٹیم کے کپتان کرونارتنے کا کہنا ہے کہ پاکستان کرکٹ ٹیم آسٹریلیا سے زیادہ مضبوط حریف ہے کیونکہ وہ اسپن کو زیادہ اچھا کھیلنے کی صلاحیت رکھتے ہیں۔
١٣ جولائی ٢٠٢٢
.jpg)
آسٹریلیا کے خلاف سیریز کے دوسرے ٹیسٹ میچ میں کامیابی سمیٹنے کے بعد گفتگو کرتے ہوئے سری لنکن کپتان کرونارتنے نے کہا کہ بابراعظم بہترین فارم میں ہیں جبکہ اوپنر امام الحق اور یاسر کی بھی واپسی ہوئی جس سے پاکستان کو فائدہ ہوگا۔
انہوں نے کہا کہ دنیش چندیمل سےکہا تھا کہ وہ ایک بڑی اننگز کے ساتھ آئیں، پچھلے کچھ سالوں سے وہ کامیاب نہیں ہوپارہے تھے لیکن آسٹریلیا کے خلاف اننگز سے انکا اعتماد بحال ہوا ہے۔
کرونارتنے نے کہا کہ جب آپ کا سینئر کھلاڑی فارم بحال کررہا ہوتا ہے تو بطور کپتان چیزیں آسان ہوجاتی ہیں، اینجلو میتھیوز ناکام ہو سکتے ہیں، میں ناکام ہوسکتا ہوں لیکن مجھے معلوم ایک کھلاڑی ٹیم کیلئے فائٹ کرے گا تو تسلی ہوجاتی ہے۔ ان کا کہنا تھا کہ بابر، امام اور یاسر شاہ کی بدولت پاکستان سائٹ ٹف ٹائم دینے کی صلاحیت رکھتی ہے۔
واضح رہے کہ پاکستان اور سری لنکا کے مابین دو ٹیسٹ میچوں پر مشتمل سیریز کا پہلا میچ 16 جولائی کو گال کرکٹ اسٹیڈیم میں کھیلا جائے گا۔
.jpg)
