سینٹرل پنجاب کی ٹیم نے بلوچستان کو 50 رنز سے شکست دے کر پاکستان کپ جیت لیا۔
٠٣ جنوری ٢٠٢٣
طیب طاہر نے 71 جبکہ تجربہ کار بلےبازاحمد شہزاد نے 61 رنز کی اننگز کھیلی۔
بلوچستان کے محمد جنید نے شاندار بولنگ کا مظاہرہ کرتے ہوئے 56 رنز کے عوض سینٹرل پنجاب کے 5 کھلاڑیوں کو واپسی کی راہ دکھائی۔
ہدف کے تعاقب میں بسم اللّٰہ خان کے علاوہ بلوچستان کا کوئی بیٹر خاطر خواہ کارکردگی نہیں دکھا سکا۔
بسم اللّٰہ خان نے 70 رنز کی اننگز کھیلی جبکہ عمران بٹ نے 30 رنز کے ساتھ سینٹرل پنجاب کے بولرز کا سامنا کیا۔
سینٹرل پنجاب کی جانب سے علی شفیق نے 3 جبکہ ظفر گوہر نے 2 کھلاڑیوں کو آؤٹ کیا۔
سینٹرل پنجاب کے طیب طاہر کو میچ کا بہترین کھلاڑی اور ایونٹ کا بہترین بیٹر بھی قرار دیا گیا۔
بہترین بولر کا ایوارڈ سینٹرل پنجاب کے اسامہ میر کو دیا گیا جبکہ سینٹرل پنجاب ہی کے عماد بٹ کو ٹورنامنٹ کا بہترین کھلاڑی قرار دیا گیا۔
انہوں نے ایونٹ میں 365 رنز بنائے جبکہ 19 وکٹیں بھی حاصل کیں۔
بہترین وکٹ کیپر کا اعزاز بلوچستان کے حسیب اللّٰہ خان کے نام رہا۔
.jpg)
