آک لینڈ: پاکستان کے خلاف ون ڈے سیریز سے قبل نیوزی لینڈ کی ٹیم اہم بولر سے محروم ہوگئی۔
٠٣ جنوری ٢٠٢٣
فاسٹ بولر ایڈم ملنے پاکستان اور بھارت کے خلاف ون ڈے سیریز سے دستبردار ہوگئےہیں،ان کی جگہ ٹیسٹ اسکواڈ کا حصہ بننے والے بلیئر ٹکنر کو ایڈم ملنے کی جگہ ون ڈے ٹیم میں شامل کرنے کا اعلان کردیا گیاہے۔
بلیئر ٹکنر بدھ چار جنوری کو پاکستان کے لیے اڑان بھریں گے۔
ترجمان نیوزی لینڈ کرکٹ بورڈ کےمطابق ایڈم ملنے نومبرمیں بھارت کےخلاف ہوم سیریز کے دوران ہمیسٹرنگ انجری کا شکار ہوئے تھے۔ وہ ان دنوں ولنگٹن فائربریڈز کی طرف سے کھیل رہے ہیں، ان کا موقف ہے کہ وہ ابھی انٹرنیشنل کرکٹ کے چیلنج پر پورا اترنے کے لیے خود کو تیار نہیں پارہے۔
چیف سلیکٹر نے ان کی اس جرات اور ایمانداری کو سراہاہے اورامید ظاہر کی ہے کہ ٹکنر ون ڈے سیریز میں اچھی پرفارمنس دیں گے۔پاکستان اور نیوزی لینڈ کے درمیان ون ڈے میچز 9، 11 اور 13 جنوری کو کھیلے جائیں گے۔پاکستان کا دورہ مکمل کرنے کے بعد نیوزی لینڈ نے بھارت میں تین ون ڈے اور تین ٹی ٹوئنٹی میچز کھیلنے ہیں۔
.jpg)
