قومی ٹیم کے کپتان بابر اعظم واحد پاکستانی کھلاڑی ہیں جو آئی سی سی ورلڈ ٹیسٹ چیمپئن شپ ٹیم آف دی ٹورنامنٹ میں شامل ہیں۔
٢٠ اپریل ٢٠٢٣
کرکٹ آسٹریلیا کی آفیشل ویب سائٹ نے آئی سی سی ورلڈ ٹیسٹ چیمپئن شپ ٹیم آف دی ٹورنامنٹ کا اعلان کردیا، جس میں قومی ٹیم کے کپتان بابر اعظم کو بھی شامل کیا گیا ہے۔
آئی سی سی ورلڈ ٹیسٹ چیمپئن شپ کےفائنل میں آسٹریلیا اور بھارت کی ٹیمیں مقابل ہوں گی جس کا فائنل 7 سے 11 جون تک انگلینڈ میں کھیلا جائے گا۔
پاکستانی ٹیم کے کپتان بابراعظم واحد پلیئر ہیں جن کو ورلڈٹیسٹ چیمپئن شپ ٹیم آف دی ٹورنامنٹ میں شامل کیا گیا ہے۔ بابر اعظم نے چیمپئن شپ کے دوران 14 ٹیسٹ میچ کھیلے، انہوں نے 1527 رنز 08. 61 کی اوسط سے بنائے جس میں چار سینچریاں اور 10نصف سینچریاںشامل ہیں۔
بابر اعظم کا سب سے زیادہ اسکور 196رنز تھا جو انہوں نے آسٹریلیا کے خلاف بنایا تھا۔
اس کے علاوہ ٹیم میں آسٹریلیا سے عثمان خواجہ، ٹریوس ہیڈ اور پیٹ کمنز کو شامل کیا گیا ہے جبکہ ٹیم کے کپتان پیٹ کمنز ہیں۔
آئی سی سی ورلڈ ٹیسٹ چیمپئن شپ کے دیگر کھلاڑیوں میں بھارت کے رویندرا جڈیجا، ریشبھ پنتھ، روی چندرن ایشوان، انگلینڈ کے جوروٹ، جیمزاینڈرسن اورسری لنکا کےڈیمتھ کرونارتنے اور جنوبی افریقا کے کگیسوربادا شامل ہیں۔
.jpg)
