سیمی فائنل میں جگہ بنانے والی ٹیموں میں پاکستان، انگلینڈ، آسٹریلیا اور میزبان بھارت کی ٹیمیں شامل ہوں گی، آکاش چوپڑا
١٥ اگست ٢٠٢٣
-(85).jpg)
سابق بھارتی کرکٹر اور تجزیہ کار آکاش چوپڑا نے ون ڈے ورلڈکپ کے سیمی فائنل میں پہنچنے والی ٹیموں کی پیشگوئی کردی۔
معروف بھارتی کمنٹیٹر آکاش چوپڑا کے مطابق ورلڈکپ 2023 کی سیمی فائنل میں جگہ بنانے والی ٹیموں میں پاکستان، انگلینڈ، آسٹریلیا اور میزبان بھارت کی ٹیمیں شامل ہوں گی۔ ان کا کہنا تھا کہ میزبان ٹیم مضبوط ہونے کی وجہ سے ٹورنامنٹ کے فیصلہ کن مرحلے تک پہنچنے کی صلاحیت رکھتی ہے۔
انہوں نے کہا کہ پاکستانی ٹیم ایک روزہ میچوں میں بہترین کارکردگی، انگلینڈ اپنی مستقل مزاجی اور آسٹریلوی ٹیم اپنے باصلاحیت کھلاڑیوں کی وجہ سے سیمی فائنل تک پہنچنے کی اہلیت رکھتی ہیں۔
بھارتی کمنٹیٹر نے کہا کہ نیوزی لینڈ کی ٹیم بھی آئی سی سی کے میگا ایونٹس میں حیران کردینے کی صلاحیت سے مالامال ہے اور مضبوط ٹیموں کو چیلنج دینے کی اہلیت رکھتی ہے، اگر ان چار ٹیموں میں سے کوئی بھی ٹیم سیمی فائنل میں نہیں پہنچی تو یہ ان کے لیے حیرت کی بات ہوگی۔
واضح رہے کہ دنیائے کرکٹ کا سب سے بڑا ایونٹ ون ڈے ورلڈکپ 2023 اکتوبر، نومبر میں بھارت میں کھیلا جائے گا۔
.jpg)
