افغانستان کی ٹیم نے پہلے ون ڈے میچ میں بنگلہ دیشی ٹیم کو 17 رنز سے شکست دی تھی۔
٠٦ جولائی ٢٠٢٣
بنگلہ دیش اورافغانستان کی کرکٹ ٹیموں کے درمیان تین ایک روزہ انٹرنیشنل میچز پر مشتمل سیریز کا دوسرا میچ 8 جولائی کو چٹوگرام میں کھیلا جائے گا۔افغانستان کی ٹیم کو میزبان بنگلہ دیش کے خلاف ون ڈے سیریز میں 0-1 کی برتری حاصل ہے۔ افغانستان کی ٹیم نے پہلے ون ڈے میچ میں بنگلہ دیشی ٹیم کو 17 رنز سے شکست دی تھی۔
اس سے قبل دونوں ٹیموں کے درمیان ڈھاکہ میں کھیلے گئے واحد ٹیسٹ میچ میں میزبان بنگلہ دیشی ٹیم نے مہمان افغان ٹیم کو 546 رنز سے شکست دی تھی۔ افغانستان کی ٹیم ان دنوں بنگلہ دیش کے دورہ پر ہے جہاں وہ میزبان ٹیم کے خلاف 3ون ڈے میچز کی سیریز کے علاوہ 2ٹی ٹونٹی میچز بھی کھیلے گی۔
تین ایک روزہ میچوں کی سیریز کا دوسرا میچ 8 جولائی کو جبکہ تیسرا اور آخری ون ڈے میچ 11 جولائی کو کھیلا جائے گا۔ ون ڈے سیریز کے تینوں میچز ظہور احمد چوہدری اسٹیڈیم، چٹوگرام میں کھیلے جائیں گے، اس کے بعد2 ٹی ٹونٹی میچوں کی سیریز کے میچز بالترتیب 14اور 16جولائی کو کھیلے جائیں گے۔ ٹی ٹونٹی سیریز کے دونوں میچز سلہٹ ڈسٹرکٹ اسٹیڈیم میں کھیلے جائیں گے۔
.jpg)
