سڈنی: قومی کرکٹ ٹیم کے سابق کپتان شاہد آفریدی نے وکٹ کیپر بیٹر محمد رضوان کو ٹی20 فارمیٹ میں اپنا بیٹنگ انداز بدلنے کا مشورہ دے دیا۔
٠٩ نومبر ٢٠٢٢
نجی ٹی وی چینل کے پروگرام میں گفتگو کرتے ہوئے قومی ٹیم کے سابق کپتان شاہد آفریدی نے کہا کہ محمد رضوان کو ٹی20 فارمیٹ میں اپنا بیٹنگ اسٹائل بدلنے کی ضرورت ہے تاکہ بالرز ان کے خلاف منصوبہ بندی نہ کرسکیں۔
اینکر نے سوال اٹھایا کہ کیا رضوان کو بھارتی بیٹر سوریا کمار یادیو کی پیرونی کرنی چاہئے؟ جس پر آفریدی نے کہا کہ وہ بین الاقوامی کرکٹ میں آنے سے پہلے ڈومیسٹک سرکٹ میں 200-250 میچ کھیل چکے ہیں، وہ بطور بلےباز ان گیندوں کو نشانہ بناتے ہیں جس پر شارٹس کی پریکٹس کرتے ہیں۔
انہوں نے کہا کہ پاور پلے میں رضوان کو رسک لینا پڑے گا، جس کے لئے انہیں پریکٹس کی ضرورت ہے۔ اگر وکٹ کیپر ایسا کرنے میں کامیاب ہوتے ہیں تو وہ پاکستان کے لئے مفید بن سکتے ہیں۔
دوسری جانب قومی ٹیم آج نیوزی لینڈ کے خلاف سڈنی کرکٹ گراؤنڈ میں میگا ایونٹ کا پہلا سیمی فائنل کھیلے گی۔
.jpg)
