آئرلینڈ کی طرف سے دیے گیے 182 رنز کے ہدف کے تعاقب میں پاکستانی بیٹر احمد حسن نے ذمہ دارانہ کھیل کا مظاہرہ کیا اور نصف سنچری بنا کر اپنی ٹیم کی جیت کو یقینی بنایا۔
٠١ فروری ٢٠٢٤
جنوبی افریقہ میں جاری انڈر19 ورلڈکپ میں پاکستان نے سنسنی خیز مقابلے کے بعد آئر لینڈ کو 3 وکٹوں سے شکست دے دی۔
پوشفسٹروم میں کھیلے گئے ورلڈ کپ انڈر 19 کے سپر سکس راؤنڈ میں پاکستان نے 182 رنز کا ہدف 44 ویں اوور میں 7 وکٹوں کے نقصان پر حاصل کیا۔
پاکستان کی جانب سے احمد حسن ناقابلِ شکست 57 رنز بنا کر نمایاں رہے۔ کپتان سعد بیگ 25، عبید شاہ 25، آزان اویس 21، شاہزیب خان 11، ہارون ارشد 8، شامل حسین 7 جبکہ عرفات منہاس 3 رنز بنا کر آؤٹ ہوئے۔
گرین شرٹس کے علی اسفند 9 رنز بنا کر ناٹ آؤٹ پویلین لوٹے۔
آئرلینڈ کی جانب سے ہیری ڈائر نے 4 جبکہ روبن ولسن، اولیور رائلے اور جورڈن نیل نے 1،1 وکٹ حاصل کی۔
اس سے قبل پاکستان کی دعوت پر پہلے بیٹنگ کرتے ہوئے آئرلینڈ کی ٹیم 48.3 اوورز میں 181 رنز بنا کر آؤٹ ہوئی۔
آئرلینڈ کی جانب سے جان مک نیلی 53 اور ہیری ڈائر 31 رنز بنا کر نمایاں رہے۔
پاکستان کی جانب سے عبید شاہ نے 3، عامر حسن، علی رضا اور احمد رضا نے 2،2 جبکہ ہارون ارشد نے 1 وکٹ حاصل کی۔
.jpg)
