آئی پی ایل فرنچائز ممبئی انڈینز کے فینز کپتانی روہت شرما سے چھین کر پانڈیا کو دینے پر نالاں ہیں۔
٢٦ مارچ ٢٠٢٤
آئی سی سی ورلڈکپ 2023 میں ناقص کارکردگی پر قومی ٹیم کے سابق کپتان بابراعظم کو تنقید کا نشانہ بنانے کے بعد بھارتی شائقین کرکٹ نے اپنی ہی ٹیم کے کھلاڑی ہاردک پانڈیا کو بھی نہ بخشا۔
انڈین پریمئیر لیگ (آئی پی ایل) میں گجرات ٹائٹنز سے ممبئی انڈینز کی ٹیم میں شامل ہونے والے بھارتی آل راؤنڈر ہاردک پانڈیا کو شائقین کرکٹ نے شدید ٹرولنگ کا نشانہ بنایا، ممبئی انڈینز کی کپتانی روہت شرما سے چھین کر فرنچائزز نے پانڈیا کے حوالے کی جس پر شائقین اور ان کی فینز نالاں تھے۔
ممبئی انڈینزکے موجودہ کپتان ہاردک پانڈیا جب ٹاس کیلئے فیلڈ پر آئے تو ڈیڑھ لاکھ لوگوں کی گنجائش رکھنے والے دنیا کے سب سے بڑے اسٹیڈیم نے انہیں بری طرح ٹرول کیا، یہی حرکت بھارتی شائقین نے چار مہینے پہلے ورلڈکپ میچ کے دوران پاکستانی ٹیم کے سابق کپتان بابراعظم کے ساتھ بھی کی تھی جہاں بھارتی حکومت نے پاکستانی شائقین کرکٹ کو ویزے جاری نہیں کیے تھے۔
اس واقعہ پر سابق انگلش کرکٹر کیون پیٹرسن نے بھی احمد آباد کے شائقین کو تنقید کا نشانہ بناتے ہوئے کہا تھا کہ ’’میں نے پہلی بار ایسا دیکھا انڈین کراؤڈ اپنے ہی کھلاڑی کے ساتھ ایسا ناروا سلوک کررہا ہے‘‘۔
واضح رہے کہ احمد آباد بھارتی ریاست گجرات کا حصہ ہے جبکہ ہاردک پانڈیا بھی اسی شہر میں پیدا ہوئے تاہم اس کے باوجود انہیں بے جا تنقید کا نشانہ بنایا گیا۔
ہاردک پانڈیا کی کپتانی میں ممبئی کی ٹیم کو گجرات کے ہاتھوں شکست کا منہ دیکھنا پڑا تھا۔
.jpg)
