الوادعی میچ سے قبل وارنر کی ٹیسٹ کیپ چوری ہوگئی

پاکستان کے خلاف ٹیسٹ کیرئیر کے الوداعی میچ سے قبل آسٹریلوی اوپنر ڈیوڈ وارنر کی ’’ٹیسٹ کیپ‘‘ چوری ہوگئی۔ 
سماجی رابطے کی ویب سائٹ ٹوئٹر (ایکس) پر آسٹریلوی اوپنر ڈویوڈ وارنر نے اپنا ایک ویڈیو پیغام شیئر کیا جس میں انہوں نے مداحوں کو آگاہ کیا کہ ان کی ٹیسٹ کیپ چوری ہوگئی ہے، اس ویڈیو میں کرکٹر نے جذباتی انداز میں کہا کہ سڈنی ٹیسٹ میچ سے قبل میری چوری کی گئی ’’کیپ‘‘ واپس کردیں۔ 
انہوں نے ویڈیو میں کہا کہ سوشل میڈیا میرا آخری سہارا ہے، میں بتانا چاہتا ہوں کہ ائیرپورٹ پر سی سی ٹی وی کیمرے چیک کیے ہیں تاہم کسی نے ہمارے بیگ کو ہاتھ نہیں لگایا تاہم اگر کسی شخص کے پاس میری ٹیسٹ کیپ ہے تو وہ سڈنی ٹیسٹ سے قبل مجھے واپس کردے، میں اسکا شکر گزار رہوں گا۔ 
ڈیوڈ وارنر نے کہا کہ براہ کرم میرے سوشل میڈیا کے ذریعے کرکٹ آسٹریلیا یا خود سے رابطہ کریں اور اگر آپ میری ’’بیگی گرین کیپ‘‘ واپس کرتے ہیں تو آپ کو اسکے بدلے اپنا بیک پیک دوں گا۔ 
واضح رہے کہ گزشتہ ٹیسٹ کرکٹ کے بعد ڈیوڈ وارنر نے ون ڈے کرکٹ سے بھی ریٹائرمنٹ کا اعلان کیا تھا تاہم انکا کہنا تھا کہ وہ ریٹائرمنٹ کے باوجود چیمپیئنز ٹرافی 2025 کیلئے ٹیم کو دستیاب رہیں گے۔