ان کی موجودگی سے ٹیم کے بالنگ اٹیک کو بہتر کرنے میں مدد ملے گی، ڈائریکٹر پاکستان کرکٹ ٹیم
١٠ اگست ٢٠٢٣
قومی کرکٹ ٹیم کے ڈائریکٹر مکی آرتھر نے سابق فاسٹ بولر محمد عامر کو ڈربی شائر ٹیم کیلئے ’’اثاثہ‘‘ قرار دے دیا۔
انگلش کاؤنٹی کرکٹ ٹیم ڈربی شائر اور قومی کرکٹ ٹیم کے ڈائریکٹر مکی آرتھر کا کہنا ہے کہ محمد عامر عالمی کرکٹ کے بہترین بالرز میں سے ایک ہیں، وہ میچ ونر کھلاڑی ہیں۔
انہوں نے کہا کہ سابق فاسٹ بولر محمد عامر ڈربی شائر ٹیم کے لئے ایک اثاثہ ہیں، ان کی موجودگی سے ٹیم کے بالنگ اٹیک کو بہتر کرنے میں مدد ملے گی۔
محمد عامر نے انٹرنیشنل کرکٹ سے ریٹائرمنٹ کے اعلان کے بعد 2024 کے سیزن کے ابتدائی مرحلے کے لیے بطور اوورسیز کھلاڑی ٹیم میں شمولیت اختیار کی تھی۔
واضح رہے کہ محمد عامر اور مکی آرتھر کا دلچسپ تعلق ہے وہ اس دور میں کوچنگ کے فرائض نبھارہے تھے جب سرفراز احمد کی کپتانی میں پاکستان نے بھارت کو آئی سی سی چیمپئینز ٹرافی میں شکست دے کر ٹائٹل اپنے نام کیا تھا۔ اسی دور میں محمد عامر پاکستان کی قومی ٹیم کی بالنگ میں ریڑھ کی ہڈی تصور کیے جاتے تھے۔
.jpg)
