دونوں ٹیمیں سری لنکا کے پالےکیلے کرکٹ گراؤنڈ میں ایک دوسرے کے مدمقابل ہیں
٣١ اگست ٢٠٢٣
ایشیاءکپ کے دوسرے میچ میں بنگلہ دیش نے سری لنکا کے خلاف ٹاس جیت کر پہلے بیٹنگ کرنے کا فیصلہ کیا۔ پالے کیلے میں کھیلے جارہے ایشیاءکپ کے دوسرے میچ میں بنگلہ دیش کے کپتان شکیب الحسن نے کہا کہ سری لنکا کے خلاف تینوں شعبوں میں بہترین کارکردگی دکھانے کی کوشش کریں گے۔
اس موقع پر سری لنکن کپتان داسن شناکا نے کہا کہ پلئینگ الیون میں بدقسمتی سے کچھ کھلاڑی انجری کا شکار ہیں تاہم ہوم کنڈیشنز کا فائدہ اٹھانے کی کوشش کریں گے۔
واضح رہے کہ دونوں ٹیموں کے درمیان مقابلے میں بارش کی پیشگوئی کی گئی ہے۔
قبل ازیں ٹورنامنٹ کے افتتاحی میچ میں میزبان پاکستان نے نیپال کو 238 کے بڑے مارجن سے شکست دی تھی۔
بنگلہ دیش کا اسکواڈ:
شکیب الحسن (کپتان)، محمد نعیم، تنزید تمیم، نجم الحسن شانتو، توحید ہردوئے، مشفق الرحیم، مہدی حسن، مہدی حسن میراز، تسکین احمد، شرف الاسلام اور مستفیض الرحمان شامل ہیں۔
سری لنکا کا اسکواڈ:
داسن شناکا (کپتان)، پاتھم نسانکا، دیموتھ کرونارتنے، کوسل مینڈس، سدیرا سماراویکراما، چارتھ اسالنکا، دھننجایا ڈی سلوا، دونتھ ویلالج، مہیش تھیکشانا، کسن راجیتھا اور متھیشا پاتھیرانا پر مشتمل ہے۔
.jpg)
