انسان کی زندگی میں امتحانات آتے رہتے ہیں، ہم نے صرف صبر کرنا ہے، وکٹ کیپر بیٹر
٢٢ مئی ٢٠٢٣
قومی ٹیم کے وکٹ کیپر بیٹر محمد رضوان کا کہنا ہے کہ ایشیا کپ کے حوالے سے فیصلہ پاکستان کرکٹ بورڈ اور حکومت نے کرنا ہے، تاہم جہاں بھی ایونٹ ہوا ہم نے وہاں جا کر کھیلنا ہے۔
پشاور میں میڈیا سے بات چیت کرتے ہوئے وکٹ کیپر بیٹر محمد رضوان نے کہا کہ قومی ٹیم کی کامیابی کے لیے بھرپور محنت کرتا ہوں اور پوری توجہ اپنی کرکٹ پر ہی ہے، کنڈیشنز کو مدنظر رکھتے ہوئے سیریز کی تیاری کرتا ہوں، ان کا کہنا تھا کہ ایشیاکپ جہاں بھی ہو ہم کامیابی کے لیے بھرپور محنت کریں گے۔
محمد رضوان کا کہنا تھا کہ انسان کی زندگی میں امتحانات آتے رہتے ہیں، ہم نے صرف صبر کرنا ہے، انھوں نے کہا کہ سینئر کھلاڑی آنے والے کرکٹرز کو پیغام دیتے ہیں کہ جتنی محنت کریں گے اس کا اتنا ہی صلہ ملے گا۔
.jpg)
