ورلڈ کپ کے لیے آسٹریلیا کی جانب سے 18 رکنی ابتدائی اسکواڈ کا اعلان کیا گیا ہے۔
٠٧ اگست ٢٠٢٣
کرکٹ آسٹریلیا نے ورلڈ کپ اور دورۂ جنوبی افریقہ و بھارت کے لیے قومی اسکواڈز کا اعلان کر دیا۔
انٹرنیشنل کرکٹ کونسل (آئی سی سی) ورلڈ کپ کے لیے آسٹریلیا کی جانب سے 18 رکنی ابتدائی اسکواڈ کا اعلان کیا گیا ہے۔
آسٹریلیا نے جنوبی افریقہ میں 3 ٹی ٹوئنٹی اور 5 ون ڈے جبکہ بھارت میں 3 ون ڈے میچز پر مشتمل سیریز کھیلنی ہے۔
کپتان پیٹ کمنز، میچل اسٹارک، جوش ہیزل ووڈ، کیمرون گرین اور ڈیوڈ وارنر کو ٹی ٹوئنٹی اسکواڈ میں شامل نہیں کیا گیا، یہ تمام کھلاڑی ون ڈے سیریز کے لیے ٹیم کو جوائن کریں گے۔
میچل مارش کو ٹی ٹوئنٹی ٹیم کا کپتان مقرر کیا گیا ہے۔
گلین میکسویل جنوبی افریقہ کے خلاف ون ڈے سیریز میں اپنی خاندانی مصروفیات کی وجہ سے دستیاب نہیں ہیں، وہ بھارت میں ٹیم کو جوائن کریں گے۔
پیٹ کمنز ایشیزسیریز کے آخری ٹیسٹ کے پہلے روز زخمی ہو گئے تھے، ان کی کہنی میں چوٹ آئی ہے اور وہ 6 ہفتے کا ری ہیب مکمل کر رہے ہیں۔
آسٹریلیا کے ون ڈے اسکواڈ کی قیادت پیٹ کمنز کریں گے، ڈیوڈ وارنر اسکواڈ میں شامل ہیں جبکہ مارنوس لابوشین ٹیم میں جگہ نہیں بناسکے۔
.jpg)
