اسٹیورٹ براڈ 600 وکٹیں حاصل کرنے کا کارنامہ انجام دینے والے دنیا کے پانچویں اور انگلینڈ کے دوسرے بولر بن گئے۔
٢٠ جولائی ٢٠٢٣
ایشیز سیریز کے چوتھے ٹیسٹ کے پہلے دن آسٹریلیا نے آٹھ وکٹوں کے نقصان پر 299 رنز بنالئے۔ اسٹیورٹ براڈ نے ٹریوس ہیڈ کی وکٹ لے کر ٹیسٹ کرکٹ میں اپنی 600 وکٹیں مکمل کرلیں۔
مانچسٹر میں کھیلے گئے ٹیسٹ کے پہلے دن انگلینڈ نے ٹاس جیت کر فیلڈنگ کا فیصلہ کیا۔
آسٹریلیا کی جانب سے مچل مارش اور لبوشین نے 51،51 رنز کی اننگز کھیلیں جبکہ ٹریوس ہیڈ نے 48 اور اسٹیو اسمتھ نے 41 رنز بنائے۔
اسٹیورٹ براڈ نے ٹریوس ہیڈ کی وکٹ لے کر ٹیسٹ کرکٹ میں اپنے 600 شکار مکمل کیے۔ وہ یہ کارنامہ انجام دینے والے دنیا کے پانچویں اور انگلینڈ کے دوسرے بولر بن گئے۔
آسٹریلیا نے پہلے دن کے اختتام تک آٹھ وکٹوں کے نقصان پر 299 رنز بنالیے۔ کرس ووکس نے چار اور اسٹیورٹ براڈ نے دو کھلاڑیوں کو آؤٹ کیا۔
.jpg)
