آسٹریلیا کرکٹ ٹیم کے وکٹ کیپر بیٹر میتھیو ویڈ ٹی 20 ورلڈ کپ کے دوران کورونا وائرس کا شکار ہوگئے۔
٢٧ اکتوبر ٢٠٢٢
میڈیا رپورٹس کے مطابق میتھیو ویڈ کے انگلینڈ کے خلاف اہم میچ کھیلنے کے امکانات کم ہوگئے ہیں۔
آئی سی سی ٹی ٹوئنٹی ورلڈکپ میں قوانین مثبت کورونا ٹیسٹ آنے والے کرکٹرز کو کھیلنے کی اجازت دیتے ہیں، جس کے بعد ان کے میچ میں دستیابی کے امکانات ہیں۔
اس سے قبل آسٹریلیا کے اسپنر ایڈم زمپا بھی کووڈ 19 کا شکار ہوئے تھےجس کے باعث انہیں سری لنکا کے خلاف میچ نہیں کھلایا گیا تھا تاہم اب ان کا ٹیسٹ منفی آگیا ہے اور انہوں نے نیٹ پریکٹس کا آغاز کر دیا ہے، ٹیم مینیجمنٹ کا کہنا ہے کہ لیگ اسپنر ایڈم زمپا کل انگلینڈ کے خلاف میچ میں اسکواڈ کا حصہ ہوں گے۔۔
ٹیم منجمنٹ اپنے وکٹ کیپر بیٹر میتھیو ویڈ کی صحت کی صورتحال کا جائزہ لینے کے بعد میچ میں کھلانے یا نہ کھلانے کا فیصلہ کرے گی۔
واضح رہے کہ آسٹریلیا اور انگلینڈ کے درمیان کل میچ میلبرن میں شیڈول ہے۔
یاد رہے کہ آئرلینڈ کے آل راؤنڈر جارج ڈوکریل نے کورونا کا شکار ہونے کے باوجود سری لنکا کے خلاف میچ کھیلا تھا۔
.jpg)
