آپکو بتارہا ہوں، اگر صائم ایوب فٹ رہا تو پاکستان کا اگلا سپر اسٹار ہوگا، سابق ٹیم ڈائریکٹر
٠٤ مارچ ٢٠٢٤
قومی ٹیم کے سابق ڈائریکٹر محمد حفیظ نے انکشاف کیا ہے کہ دورہ آسٹریلیا کے دوران آل راؤنڈر عامر جمال اور نوجوان اوپنر صائم ایوب نے مجھے بہت متاثر کیا۔
مقامی اسپورٹس چینل پر گفتگو کرتے ہوئے سابق ٹیم ڈائریکٹر محمد حفیظ نے کہا کہ آسٹریلیا کیخلاف ٹیسٹ سیریز میں بابراعظم، امام الحق، شاہین آفریدی اور دیگر جیسے بڑے نام اثر نہیں ڈال سکے تھے تاہم صائم ایوب اور عامر جمال کی کارکردگی سے بہت متاثر ہوا۔
انہوں نے کہا کہ ’’مجھے عامرجمال کی ٹیسٹ میں کارکردگی بہت پسند آئی، انہوں نے شاندار کھیل کا مظاہرہ کیا اور ٹیم کو مشکلات کے بھنور سے نکالنے کی کوشش کی، صائم ایوب کے حوالے سے حفیظ نے کہا کہ میں آپ کو آج بتا رہا ہوں، یہ لڑکا (صائم) اگر فٹ رہتا ہے تو پاکستان کرکٹ کا اگلا سپر اسٹار بننے والا ہے‘‘۔
آسٹریلیا کیخلاف سیریز میں عامر جمال نے بولنگ اور بیٹنگ دونوں سے شاندار کھیل کا مظاہرہ کرتے ہوئے 3 ٹیسٹ میچوں میں 18 وکٹیں حاصل کی تھیں،اس سے قبل کوئی پاکستانی بولر یہ کارنامہ سرانجام نہیں دے سکا تھا۔
.jpg)
