سڈنی: کرکٹ آسٹریلیا نے افغانستان کے خلاف 3 ون ڈے میچز کی سیریز کھیلنے سے انکار کردیا۔
١٢ جنوری ٢٠٢٣
ترجمان کرکٹ آسٹریلیا کے مطابق متحدہ عرب امارات (یو اے ای) میں شیڈول 3 میچوں پر مشتمل افغانستان کے خلاف ون ڈے سیریز کھیلنے سے انکار کردیا ہے۔
آسٹریلوی بورڈ نے موقف اپنایا ہے کہ افغانستان کے خلاف میچز نہ کھیلنے کا فیصلہ طالبان کی جانب سے خواتین اور لڑکیوں کی ملازمت اور تعلیم پر پابندی کی وجہ سے بطور احتجاج کیا گیا ہے۔
سیریز سے دستبردار ہونے کا فیصلہ حکومت اور کرکٹ آسٹریلیا کے درمیان طویل مشاورت کے بعد کیا گیا ہے، دونوں ٹیموں کے درمیان میچز آئی سی سی کرکٹ ورلڈکپ سپر لیگ کا حصہ تھے۔
واضح رہے کہ آسٹریلوی ٹیم نے دورہ بھارت کے بعد افغانستان کے ساتھ یواے ای میں تین ون ڈے میچز کھیلنے تھے۔
.jpg)
