پاکستان سپر لیگ (پی ایس ایل) کی معروف فرنچائز پشاور زلمی کے غیر ملکی کرکٹر نے پشتو اور اردو سیکھ لی۔
٢٣ فروری ٢٠٢٣
آسٹریلیا سے تعلق رکھنے والے پیٹر ہاٹزوگلو کی پشتو اور ملی جلی اردو میں بات کرنے کی ویڈیو پشاور زلمی کی جانب سے شیئر کی گئی ہے، جس میں بیٹر اردو میں السلام علیکم، وعلیکم السلام جبکہ پشتو میں حال احوال پوچھنا سیکھ چکے ہیں۔
پشاور زلمی میں افغان کرکٹر مجیب الرحمان کے آنے کے بعد پیٹر ہاٹزوگلو خوشگوار یادیں لیے وطن واپس روانہ ہوگئے ہیں، آسٹریلوی کرکٹر ابتدائی میچز میں افغان اسپنر کی عدم موجودگی کے باعث متبادل کے طور پر اسکواڈ کا حصہ تھے۔
واضح رہے کہ بابراعظم کی قیادت میں پشاور زلمی کی ٹیم نے اب تک کھیلے گئے تین میچز میں 2 میں کامیابی حاصل کی جبکہ ایک میں شکست برداشت کی ہے جبکہ پوائنٹس ٹیبل پر پشاور زلمی تیسری پوزیشن پر موجود ہے۔
.jpg)
