news
English

’’بابراعظم بطور کپتان اپنی ٹیم کو کوئی ٹرافی نہیں جتوا سکے‘‘

آئی سی سی ایونٹس، ایشیاکپ، پی ایس ایل میں بابراعظم نے ٹیم کی قیادت کے فرائض نبھائے۔

’’بابراعظم  بطور کپتان اپنی ٹیم کو کوئی ٹرافی نہیں جتوا سکے‘‘

قومی کرکٹر بابراعظم مسلسل 3 آئی سی سی ٹی20 ورلڈکپس میں پاکستان کی قیادت کرنے والے پہلے کپتان بن جائیں گے۔ 
پاکستان کرکٹ بورڈ (پی سی بی) کے چیئرمین محسن نقوی نے بابراعظم سے ملاقات کے بعد انہیں ایک مرتبہ پھر ٹی20 اور ون ڈے فارمیٹ میں گرین شرٹس کی قیادت دوبارہ سونپ دی ہے۔
 
شاہین آفریدی کو کپتانی ملنے کے بعد محض ایک ٹی20 سیریز میں قیادت کا موقع فراہم کیا گیا، جس میں پاکستان کو نیوزی لینڈ کے ہاتھوں 1-4 سے شکست کا سامنا کرنا پڑا تھا۔  
بابراعظم کی قیادت میں پاکستان ٹیم نے ٹی20 ورلڈکپ 2021، ٹی20 ورلڈکپ 2022 اور آئی سی سی ون ڈے ورلڈکپ 2023 کھیلا تاہم کوئی ایونٹ نہیں جیت سکا۔ اسی طرح ایشین کرکٹ کونسل (اے سی سی) کے تحت ایشیاکپ میں بابراعظم نے 2022، 2023 کھیلا اور وہاں بھی قومی ٹیم ٹائٹل حاصل کرنے سے محروم رہی۔  
پاکستان سپر لیگ (پی ایس ایل) میں بابراعظم 2022 سے کپتان کے فرائض نبھارہے ہیں تاہم مسلسل تین سیزنز میں بطور کپتان کھیلنے کے باوجود ٹیم کو ٹرافی جتوانے میں ناکام رہے ہیں۔ 
دوسری جانب قیادت سے سبکدوش کیے گئے شاہین آفریدی بطور کپتان 2 مرتبہ لاہور قلندرز کو پی ایس ایل کا ٹائٹل جتوانے میں کامیاب رہے ہیں۔