دبئی: انٹرنیشنل کرکٹ کونسل نے ون ڈے انٹرنیشنل کرکٹ ایوارڈ کے لیے قومی ٹیم کے کپتان بابر اعظم سمیت چار کھلاڑیوں کے ناموں کا اعلان کردیا۔
٢٩ دسمبر ٢٠٢٢
انٹرنیشنل کرکٹ کونسل کی جانب سے سال کے دوران ٹیسٹ، ٹی ٹوئنٹی اور ون ڈے انٹرنیشنل فارمیٹ میں بہترین کارکردگی دکھانے والے کھلاڑیوں کی نامزدگیوں کا اعلان کیا جاتا ہے۔
آئی سی سی نے ٹی ٹوئنٹی کے بعد اب سال 2022 کے دوران مینز ون ڈے انٹرنیشنل میں بہترین کارکردگی دکھانے والے چار کھلاڑیوں کے ناموں کا اعلان کیا ہے، جن میں قومی کرکٹ ٹیم کے کپتان بابر اعظم بھی شامل ہیں۔
بابر اعظم نے رواں سال 9 میچوں میں 679 رنز اسکور کیے ہیں۔
قومی ٹیم کے کپتان بابر اعظم نے ایک بار پھر 50 اوور کے فارمیٹ میں اپنی صلاحیتوں کا مظاہرہ کرتے ہوئے ایک بار پھر ثابت کیا ہے کہ وہ جولائی 2021 سے آئی سی سی مینز ون ڈے پلیئر رینکنگ میں سرفہرست کیوں ہیں۔
آئی سی سی کی فہرست میں بابر اعظم کے علاوہ آسٹریلیا کے بالر ایڈم زمپا، زمبابوے کے سکندر رضا اور ویسٹ انڈیز کے شائی ہوپ کو نامزد کیا گیا ہے۔
.jpg)
