بابراعظم ایک لیجنڈ کرکٹر ہیں، رحمان اللہ گرباز

افغانستان کے جارح مزاج اوپنر رحمان اللہ گرباز نے قومی ٹیم کے کپتان بابراعظم کو لیجنڈ قرار دے دیا۔ 
افغانستان کے اوپننگ بلے باز رحمان اللہ گرباز نے کھل کر پاکستان کرکٹ ٹیم کے کپتان بابراعظم کے لیے اپنے گہرے عزت و احترام کا اظہار کیا ہے۔ 
رحمان اللہ گرباز نے کہا کہ ان کے چھوٹے بھائی نے بارہا ان سے بابراعظم کے لیے اپنی تعظیم ظاہر کرنے کی تاکید کی تھی اور انھیں کرکٹ کا ہیرو قرار دیا تھا۔ 
رحمان اللہ گرباز نے کہا کہ ہاں میرا بھائی ہمیشہ میرے ساتھ بابراعظم کے بارے میں بات کرتا ہے اور اس نے کہا کہ براہ کرم بابراعظم کی ایک شرٹ میرے لیے لے لو اور میں نے کہا ٹھیک ہے، اس لیے وہ بابر سے پیار کرتا ہے میرا بھائی اچھی کرکٹ کھیلتا ہے، اس لیے بابر ان کا پسندیدہ کھلاڑی ہے۔ 
ان کا کہنا تھا کہ بابر نوجوان اسٹارز کے لیے سب سے پسندیدہ کھلاڑی ہیں، خاص طور پر میرے لیے، مجھے ان کی بیٹنگ بہت پسند ہے اور جس طرح ٹیکنیکل انداز سے وہ بلے بازی کرتے ہیں، میں دیکھ سکتا ہوں کہ وہ اس وقت ایک لیجنڈ ہیں۔ 
واضح رہے کہ قومی ٹیم کے کپتان بابراعظم اس وقت سری لنکا میں جاری 2023 لنکا پریمیئر لیگ (ایل پی ایل) میں کولمبو اسٹرائیکرز کے لیے کھیلنے والے ایک نمایاں کھلاڑی ہیں۔