کپتان بابر اعظم آئی سی سی پلیئر آف دی منتھ منتخب

لاہور: قومی کرکٹ ٹیم کے کپتان بابر اعظم آئی سی سی پلیئر آف دی منتھ منتخب ہوگئے۔

قومی ٹیم کے کپتان اور مایہ ناز بلے باز بابر اعظم نے آسٹریلیا کے خلاف سیریز میں عمدہ پرفارمنس پر سب سے زیادہ ووٹ لیے۔ ویسٹ انڈیز کے کریگ بریتھ ویٹ اور آسٹریلیا کے کپتان پیٹ کمنز بھی آئی سی سی کے پلیئر آف دی منتھ نامزد کیے گئے تھے تاہم پلیئر آف دی منتھ بابر اعظم کو منتخب کیا گیا۔

آئی سی سی کی طرف سے جاری کردہ اعلامیے کےمطابق آسٹریلیا کی اوپنر ریچل ہینز ویمن کرکٹر آف دی منتھ قرار پائی ہیں۔