دونوں قومی کرکٹرز یکم جون کو ڈیلاس کے اسلامک ریسرچ سینٹر میں ایک چیریٹی ایونٹ میں شرکت کریں گے۔
٢١ مئی ٢٠٢٤
یکم جون سے امریکا میں شروع ہونے والے ٹی20 ورلڈکپ سے قبل قومی ٹیم کے کپتان بابراعظم اور وکٹ کیپر بیٹر محمد رضوان ڈیلاس میں اسلامک سینٹر کا دورہ کریں گے۔
دونوں کرکٹرز طلباء کی تعلیم کے لئے بلاسود قرض اور عطیات کی فراہمی کے لئے منعقد ہونے والے چیریٹی ایونٹ میں شریک ہوں گے۔
تفصیلات کے مطابق ٹی20 ورلڈکپ میں شرکت سے قبل قومی ٹیم کے کپتان بابراعظم اور وکٹ کیپر بیٹر محمد رضوان امریکا کے اسلامک سینٹر کا دورہ کریں گے۔
سوشل میڈیا پر ایک پوسٹ وائرل ہورہی ہے جس میں کپتان بابراعظم اور محمد رضوان کے اسلامک ریسرچ سینٹر میں دورے کی تفیصلات سے آگاہ کیا گیا ہے۔ دونوں کرکٹر امریکا کے شہر ڈلاس میں یکم جون کو ایک چیریٹی ایونٹ میں شریک ہوں گے، جہاں طلباء کی تعلیم کے لئے بلاسود قرض اور عطیات دیے جائیں گے۔
اس سے قبل بھی وکٹ کیپر بیٹر محمد رضوان نے نیوزی لینڈ اور آسٹریلیا کے اسلامک سینٹرز کا دورہ کیا تھا، جہاں ان کے درس دینے کی ویڈیو بھی سوشل میڈیا پر وائرل ہوئی تھی۔
.jpg)
