سابق ویسٹ انڈین کپتان کا کہنا ہے کہ ورلڈکپ میں بابراعظم کی بیٹنگ میں ناکامی سے ان کے وقار اور صلاحیتوں میں کوئی کمی نہیں آئے گی۔
٠١ نومبر ٢٠٢٢
سابق ویسٹ انڈیز کپتان ڈیرن سیمی کا کہنا ہے کہ ٹی20 ورلڈکپ 2022 میں پاکستان نے بھارت اور پھر زمبابوے کے خلاف کمانڈنگ پوزیشنز پر ہوتے ہوئے میچز ہارے، جو شائقین کرکٹ کیلئے انتہائی مایوس کن تھے۔ میں سمجھتا ہوں کہ گرین شرٹس کو جارحانہ کھیل اپنانے کی ضرورت ہے۔
ویسٹ اندیز کو دو بار ٹی20 چیمپئین بنوانے والے ڈیرن سیمی نے کہا کیونکہ زمبابوے کے خلاف بھی قومی ٹیم کا آغاز انتہائی محتاط تھا، جس سے حریف ٹیم کو میچ میں واپس آنے کا موقع ملا۔ پاکستان کرکٹ ٹیم کو جارحانہ طریقے سے کھیل پیش کرنے کی ضرورت ہے۔
انہوں نے کہا کہ ورلڈکپ میں بابراعظم کی بیٹنگ میں ناکامی سے ان کے وقار اور صلاحیتوں میں کوئی کمی نہیں آئے گی، ڈیرن سیمی نے اعتراف کیا کہ کوہلی بیشک دنیائے کرکٹ کے بہترین کھلاڑی ہیں۔
سابق کرکٹر نے کہا کہ ویسٹ انڈیز کی ورلڈکپ کے سپر 12 مرحلے میں آگے بڑھنے میں ناکامی پر افسوس ہے، ہم نے جس برانڈ کی کرکٹ کھیلی وہ اس ورلڈ کپ میں شامل ہونے کی مستحق نہیں تھی۔
.jpg)
