news
English

بابراعظم اور رضوان کی ہارورڈ اسکول میں داخلےکےبعد پڑھائی کی تصویروائرل

پاکستان کے دونوں کرکٹرز 31 مئی سے 3 جون تک ہارورڈ اسکول کی کلاسز میں شرکت کریں گے

بابراعظم اور رضوان کی ہارورڈ اسکول میں داخلےکےبعد پڑھائی کی تصویروائرل

قومی کرکٹ ٹیم کے کپتان بابراعظم اور وکٹ کیپر بلے باز محمد رضوان ان دنوں اعلیٰ تعلیم حاصل کرنے کے لئے امریکا میں مقیم ہیں۔

سماجی رابطے کی سائٹ ٹوئٹر پر کپتان بابراعظم نے مداحوں سے ایک تصویر شیئر کی جس میں وہ اور رضوان کے ہمراہ ہارورڈ بزنس اسکول میں داخلے کے بعد پڑھتے ہوئے دکھائی دے رہے ہیں۔

تصویر میں بابراعظم صوفے پر لیٹے ہوئے پڑھائی کررہے ہیں جبکہ رضوان زمین پر بیٹھ کر نوٹس کا مطالعہ کرتے ہوئے مختلف پیپرز کا جائزہ لے رہے ہیں۔

بابراعظم کی جانب سے شیئر کی گئی تصویر میں کیپشن لکھا گیا ہے کہ ’’ یہ کیا ہورہا ہے‘‘ ؟۔

گزشتہ دنوں بابراعظم اور محمد رضوان ہارورڈ بزنس اسکول کے پروگرام کا حصہ بنے تھے، وہ یہ اعزاز پانے والے پہلے پاکستانی کرکٹرز ہیں۔

دونوں کرکٹرز 31 مئی سے 3 جون تک امریکی ریاست بوسٹن میں ہارورڈ بزنس اسکول کیمپس کی کلاسز میں شرکت کریں گے جہاں وہ انٹرٹینمنٹ، میڈیا اور اسپورٹس کے بارے میں تعلیم حاصل کریں گے۔