ٹی 20 سینچریوں کے ریکارڈپربابراعظم کو کرس گیل سےمختلف سمجھاجائے گا،رمیزراجہ

پاکستان کے سابق کرکٹر اور سابق چیئرمین پی سی بی رمیز راجہ نے کرکٹ کے میدان میں مسلسل اور بے عیب کارکردگی پر قومی ٹیم کے کپتان بابر اعظم کی تعریف کی ہے۔

ایک حالیہ بیان میں، راجہ نے نیوزی لینڈ کے خلاف ٹی 20 انٹرنیشنل میچ میں اعظم کی شاندار اننگز کو سراہا جہاں انہوں نے اپنی تیسری سینچری بنائی اور اپنے خوش کن انداز کو اجاگر کیا۔

سابق چیئرمین پی سی بی نے کہا کہ بابر اعظم نے واقعی شاندار اننگز کھیلی۔ وہ ہمیشہ میدان میں ایک خوش کن جمالیاتی انداز کے ساتھ شاندار نظر آتے ہیں۔ انہوں نے کہا کہ وہ اپنے شاٹس کو مکمل طور پر انوکھے انداز میں پشی کرتا ہے اور آخر تک کھیلتا ہے، شاذ و نادر ہی آؤٹ ہوتا ہے۔

ان کی بلے بازی کے خطرے سے پاک انداز نے انہیں ایک مستقل بلے باز بنا دیا ہے۔ انہوں نے مزید کہا کہ وہ عالمی ریکارڈز توڑنے کا سلسلہ جاری رکھے ہوئے ہے اور ایک اور سنگ میل (سب سے زیادہ ٹی 20 سنچریاں) حاصل کرنے کی راہ پر گامزن ہے۔

انہوں نے کہا کہ کرس گیل نے کرکٹ میں ناقابل یقین 22 سنچریاں بنائی ہیں، جس سے کھیل میں بے مثال دلچسپی پیدا ہوئی ہے۔ تاہم کرکٹ کی تاریخ میں بابر اعظم کو مختلف انداز میں پرکھا جائے گا۔ اگر آپ کسی ایسے کھلاڑی کو دیکھنا چاہتے ہیں جو اپنی بلے بازی کا صحیح معنوں میں احترام کرتا ہو اور فلونگ کارپٹ شاٹس، پرفیکٹ کور ڈرائیوز، اور خالص مستقل مزاجی کا مظاہرہ کرتا ہو، تو اس جگہ ہم بابر اعظم کو ہی دیکھنا چاہتے ہیں۔