جونی بیرسٹو انگلینڈ کی ٹیسٹ ٹیم میں واپسی کے خواہش مند

جونی بیئرسٹو کی نظریں انگلینڈ کے ٹیسٹ اسکواڈ میں واپسی پر مرکوز ہوگئیں۔ اس موسم گرما میں وکٹ کیپر کے طور پر سرے کے جیمی اسمتھ کے حق میں جانے کے باوجود، بیرسٹو دوبارہ اپنے ملک کی نمائندگی کرنے کی خواہش کے بارے میں پرعزم ہیں۔ 
انگلش بلے باز جونی بیرسٹو کا مقصد ویسٹ انڈیز کے خلاف جاری سیریز سے باہر ہونے کے بعد انگلینڈ کے ٹیسٹ اسکواڈ میں اپنی جگہ دوبارہ حاصل کرنا ہے۔  
بی بی سی ٹو پر انگلینڈ کے سابق ٹیسٹ کپتان مائیکل وان کے ساتھ بات چیت کرتے ہوئے، بیئرسٹو نے زور دے کر کہا کہ "میں صرف انگلینڈ کے لیے کھیلنا چاہتا ہوں، یہ حتمی ہے۔ تمہیں مجھ سے یہ پوچھنے کی ضرورت نہیں ہے کہ کیا تم انگلینڈ کے لیئے کھیلنا چاہتے ہو یا نہیں؟ اپنی بات چیت میں جونی بیرسٹو کا مزید کہنا تھا کہ "مجھے لگتا ہے کہ آپ مجھے اچھی طرح جانتے ہیں اور میں سمجھتا ہوں کہ مجھےانگلینڈ کے ٹیسٹ اسکواڈ میں جانا چاہیے۔" 
دی ہنڈریڈ میں ویلش فائر کے ساتھ بیئرسٹو کی واپسی ہوئی ہے تاہم بین اسٹوکس اور میک کولم کے تحت اپنی جگہ واپس حاصل کرنے پر توجہ مرکوز کرتے ہوئے، بیئرسٹو نے اپنے حالیہ وقفے کے فوائد کو تسلیم کیا، جس نے انگلینڈ کے ساتھ مہینوں کے سخت شیڈول اور مختلف فرنچائز وعدوں کے بعد خاندان کے لیے انتہائی ضروری وقت فراہم کیا۔ 
بیئرسٹو نے مزید کہا کہ "ایک ہی وقت میں یہ بہت اچھا وقت رہا ہے۔ میں نے گھر سے سات ماہ کی دوری کا بہترین وقت گزارا۔ جنوری کے بعد سے، تین ہفتے پہلے تک۔ یہ وہ چیز ہے جس کی آپ کو قربانی دینی پڑتی ہے، گھر کو وقت دینا لیکن ایک ہی وقت میں، جب آپ کچھ مدت کے لیے اپنے گھر سے دور ہوتے ہیں، تو اس کا نقصان بھی ہوتا ہے۔ تاہم مجموعی طور پر میں یہ کہنا چاہہوں گا کہ یہ وقت بہت اچھا رہا۔"