بنگلادیش کے خلاف میچ میں بھارتی ٹیم کے کپتان زخمی، اسپتال منتقل کر دیا گیا

بھارتی کرکٹ بورڈ کے مطابق کپتان روہت شرما بنگلادیش کے اوپنر انعام الحق کا کیچ پکڑنے کے دوران زخمی ہوئے، گیند نے ان کے انگوٹھے کو ہٹ کیا جس کے بعد ان کے انگوٹھے سے خون بھی نکلنے لگا۔

انگوٹھے پر چوٹ لگنے کے فوری بعد ان کی چوٹ کا معائنہ کیا گیا جس کے بعد انہیں فوری طور پر ایکسرے  کے لیے ڈھاکا کے اسپتال منتقل کر دیا گیا۔

روہت شرما کی غیر موجودگی میں بھارتی ٹیم کے نائب کپتان کے ایل راہول کپتانی کی ذمہ داری نبھا رہے ہیں۔

یاد رہے کہ بنگلادیش نے بھارت کے خلاف تین ون ڈے میچز کی سیریز کا پہلا میچ سنسنی خیز مقابلےکے بعد جیت لیا تھا، آج بھارت اور بنگلادیش کے خلاف سیریز کا دوسرا ون ڈے میچ کھیلا جا رہا ہے۔