میگا ایونٹ سے محض 3 ماہ قبل کرکٹ کو خیرباد کہنے کے اعلان پر سب حیران
٠٦ جولائی ٢٠٢٣
چٹاگانگ میں پریس کانفرنس کے دوران تمیم اقبال اپنے 16 سال پرمحیط کرکٹ کیرئر ختم کرتےہوئے جذباتی ہوگئے، ورلڈکپ سے صرف 3 ماہ پہلے بنگالی اوپنر نے کرکٹ کو خیر باد کہنےکا اعلان کیا تو سب ہی حیران رہ گئے۔
بطور کپتان تمیم اقبال نے 37 ون ڈے انٹرنیشنل میچز میں سے 21 میں کامیابی پائی جبکہ 2017 میں نیوزی لینڈ کے خلاف ایک ٹیسٹ میں بھی قیادت کی ذمہ داریاں نبھائیں۔
بنگلہ دیش کرکٹ بورڈ کی جانب سے ابھی ٹیم کے نئے کپتان کا اعلان نہیں کیا گیا، شکیب الحسن کو نیا کپتان مقرر کیے جانے کا قوی امکان ہے۔
اوپنر تمیم اقبال نے نیوزی لینڈ کے خلاف سال 2008 میں ڈیبیو کیا تھا جبکہ اپنا آخری میچ آئرلینڈ کے خلاف ہوم گراؤنڈ پر اپریل 2023 میں کھیلا تھا۔
واضح رہے کہ بنگلا دیشی ٹیم نے بھارت میں شیڈول ورلڈکپ 2023 کیلئے پہلے ہی کوالیفائی کرلیا ہے۔
.jpg)
