بھارتی وفد میں بی سی سی آئی کے صدر راجر بنی، نائب صدر راجیو شکلا اور دیگر حکام شامل ہیں۔
٠٤ ستمبر ٢٠٢٣
ایشیاءکپ کے میچز دیکھنے کیلئے بھارتی کرکٹ بورڈ کا 4 رکنی وفد پاکستان پہنچ گیا۔
بی سی سی آئی کا وفد 2 روزہ دورے پر واہگہ بارڈر کے راستے پاکستان پہنچا۔ ہوٹل پہنچنے پر چیئرمین پی سی بی مینجمنٹ کمیٹی ذکاء اشرف نے وفد کا استقبال کیا۔
بھارتی وفد میں بی سی سی آئی کے صدر راجر بنی ، نائب صدر راجیو شکلا، ڈائریکٹر بی سی سی آئی یُودھویر سنگھ اور سیکریٹری ٹو نائب صدر محمد اکرم شامل ہیں۔
وفد کی قیادت بی سی سی آئی کے صدر راجر بنی کررہے ہیں، بھارتی وفد پاکستان کرکٹ بورڈ کے حکام سے باہمی دلچسپی کے امور پر تبادلہ خیال کرے گا جبکہ گورنر ہاؤس پنجاب میں بھارتی وفد کے اعزاز میں عشائیے کا اہتمام بھی کیا جائے گا۔
واضح رہے کہ انڈین کرکٹ بورڈ کا وفد 2008 کے بعد پاکستان آیا ہے۔
.jpg)
