ٹی20 ورلڈکپ 2024: انگلینڈ کو میگا ایونٹ سے قبل بڑا دھچکا   

انگلش ٹیم کے سینئر کھلاڑی بین اسٹوکس نے خود کو ٹورنامنٹ سے قبل سلیکشن سے دور کرلیا، انگلش بورڈ نے تصدیق کردی۔ 
تفصیلات کے مطابق انگلش کرکٹ بورڈ (ای سی بی) نے بین اسٹوکس کے ٹی20 ورلڈکپ 2024 نہ کھیلنے کی تصدیق کرتے ہوئے کہا ہے کہ کرکٹر بین اسٹوکس ٹی20 ورلڈکپ اسکواڈ میں سلیکشن کے حوالے سے دلچسپی نہیں رکھتے اور ان کا اولین مقصد بولنگ کے لئے مکمل فٹ ہونا ہے۔ 
ای سی بی کا کہنا ہے کہ بین اسٹوکس نہ صرف سری لنکا اور ویسٹ انڈیز کیخلاف ٹیسٹ سیریزسے قبل مکمل فٹ ہونا چاہتے ہیں، اس لیے وہ میگا ایونٹ کھیلنے سے گریزکررہے ہیں۔ 
دوسری جانب بین اسٹوکس کا ٹی20 ورلڈکپ نہ کھیلنے کے حوالے سے کہنا ہے کہ بولنگ کے لئے فٹنس حاصل کرنے کی کوشش کررہا ہوں تاکہ مستقبل میں بطور آل راؤنڈر میں ٹیم میں جگہ بناسکوں۔،، 
انہوں نے کہا کہ آئی پی ایل اور ورلڈکپ کی قربانی دینے سے مجھے مستقبل میں بطور آل راؤنڈر کھیلنے میں مدد ملے گی، میری کپتان، کوچ اور تمام ٹیم کے لیے نیک خواہشات ہیں۔،،
انگلش بورڈ کا کہنا ہے کہ بین اسٹوکس ٹی ٹونٹی ورلڈ کپ 2024ء سے باہر، انگلش آل راونڈر موسم گرما میں انگلینڈ کی ٹیسٹ میچ سیریز سے قبل اپنی فٹنس بحال کرنے پر توجہ مرکوز رکھنے کے خواہاں ہیں۔  
انگلینڈ ٹی 20 ورلڈ کپ کی موجودہ چیمپئن ہے، جس نے 2022ء میں آسٹریلیا میں اپنا دوسرا ٹائٹل جیتا تھا۔ ای سی بی نے مزید کہا کہ اسٹوکس ویسٹ انڈیز اور سری لنکا کے خلاف آئندہ ٹیسٹ سیریز کے لیے "بولنگ کرانے کے لیے مکمل طور پر فٹ ہونا چاہتے ہیں۔ اسٹوکس نے نومبر میں گھٹنے کی سرجری کروائی تھی جس سے ان کی بولنگ کرنے کی صلاحیت متاثر ہوئی تھی۔ 
انگلینڈ کے ٹیسٹ کپتان نے ایک بیان میں کہا کہ "میں سخت محنت کر رہا ہوں اور کرکٹ کے تمام فارمیٹس میں بطور آل راؤنڈر مکمل کردار ادا کرنے کے لیے اپنی بولنگ فٹنس کو بیک اپ بنانے پر توجہ مرکوز کر رہا ہوں۔،،
انہوں نے مزید کہا کہ "آئی پی ایل اور ورلڈ کپ ٹی 20 سے باہر ہونا امید ہے کہ ایک طرح کی قربانی ہوگی جس سے مجھے وہ آل راؤنڈر بننے کا موقع ملے گا جو میں مستقبل قریب میں بننا چاہتا ہوں۔ اسٹوکس نے مزید کہا کہ “بھارت کے حالیہ ٹیسٹ ٹور نے اس بات پر روشنی ڈالی کہ میں اپنے گھٹنے کی سرجری کے بعد اور 9 ماہ تک بولنگ کے بغیر کتنا پیچھے تھا۔ میں موسم گرما میں اپنے ٹیسٹ میچز کی سیریز کے آغاز سے پہلے کاؤنٹی چیمپئن شپ میں کھیلنے کا منتظر ہوں۔" 
واضح رہے کہ 2024ء کا ٹی 20 ورلڈ کپ جون میں ویسٹ انڈیز اور امریکہ میں مشترکہ طور پر ہوگا۔ انگلینڈ کا ورلڈ کپ میں پہلا مقابلہ 4 جون کو اسکاٹ لینڈ کے خلاف بارباڈوس میں شروع ہوگا۔ اس کے بعد وہ سپر 8 اور ناک آؤٹ سے پہلے بارباڈوس اور اینٹیگا میں آسٹریلیا، عمان اور نمیبیا کے خلاف گروپ میچز میں حصہ لےگا۔