لاہور: قومی کرکٹ ٹیم کے فاسٹ بولر شاہین شاہ آفریدی نے کہا ہے کہ بھارت کے خلاف ورلڈکپ میچ میں ایسی کارکردگی پیش کرنا چاہتا تھا جسے لوگ ہمیشہ یاد رکھیں، اللہ تعالیٰ کا شکر ہے کہ اس نے کامیاب کیا۔
٢١ اکتوبر ٢٠٢٢
ایک انٹرویو میں قومی ٹیم کے پیسر نے کہا کہ ہر کھلاڑی کے کیریئر میں ایسا وقت آتا ہے کہ آپ اپنی پہچان بنانے کے لیے پْرعزم ہوتے ہیں، ایسے مواقع بڑی ٹیموں کے خلاف ہی ملتے ہیں۔ گزشتہ برس میرا بھارت کے خلاف پہلا ٹی20 میچ تھا، پاکستان کبھی ورلڈکپ میں روایتی حریف سے نہیں جیتا تھا۔
انہوں نے کہا کہ میں یادگار کارکردگی پیش کرنے کا عزم لیے میدان میں اترا، میں روہت شرما کی ان سوئنگ یارکر پر مشکلات کا مشاہدہ کرچکا تھا۔
ان کا کہنا تھا کہ پہلی گیند ہی ایسی کی، میں شعیب ملک کے ساتھ کھڑا تھا، انہوں نے پوچھا کہ کیا گیند سوئنگ ہورہی ہے میں نے کہا کہ زیادہ نہیں، انہوں نے کہا کہ لوکیش راہول کو لینتھ بال کرو، یہ تیر نشانے پر بیٹھا او رمیری وہ وکٹ شعیب ملک کے مرہون منت تھی۔
.jpg)
